உழைப்பதை நிறுத்து

 

உழைத்து உழைத்து
மாடாய் போனாய்
வளைத்து வளைத்து
வறுமையின் வாயில்- போதும்
உழைப்பதை நிறுத்து

மூட்டை தூக்கி
முதுகில் கூணல்
கொக்கி மாட்டி
கிழிந்த சட்டை -போதும்
உழைப்பதை நிறுத்து

மெலிந்து சிறுத்த
கால்கள் கெஞ்சும்
கொஞ்ச நேர ஓய்வை
கருணை இல்ல
மனங்கள் சொல்லும்
முதலில் முடி வேலையை- போதும்
உழைப்பதை நிறுத்து

இரவு முழுவதும்
வேலை செய்வாய்
விடிந்ததும் கடன்
வாசலில் நிற்கும் -போதும்
உழைப்பதை நிறுத்து தோழனே

கழுத்து நோவை
காக்கைகள் கேளா
வயித்து பசியை
வர்க்கம் கேளா -போதும்
உழைப்பதை நிறுத்து தோழா

பருத்த வயிறும்
பகட்டில் உடையும்
நகையும் நட்டும்
நழுவும் புடவையும்
உனக்கில்லையெனில் -போதும்
உழைப்பதை நிறுத்து

கொழுத்தும் வெயிலில்
கூலி வேலை கிடைத்தும் நாளை
கிடைப்பது எளிதா -போதும்
உழைப்பதை நிறுத்து

வேலை வேண்டும்
கூலி வேண்டும்
சோறு வேண்டும்
கேட்டால் வராது  - போதும்
உழைப்பதை நிறுத்து

--
 

தொழிலாளர்களின் உழைப்பை இன்னும் எத்தனை நாளைக்கு இந்த முதலாளித்துவ ஏகாதிபத்திய சமூகம்

சுரண்டி வாழும்

 

பிளாஸ்மா டிவி இருக்கும் வீடும் குடிக்க கஞ்சி இல்லாத பாட்டாளிகளும் ஒரே பூமியில் வாழ்வதை

 

கண்டு சகிக்க கூடாது , போராட முன்வரவேண்டும் பொதுவுடமை சமூகம் படைக்க எனும் ஆதங்கத்தில்

 

இந்த கவிதை எழுதப்பட்டது

 

 

 

தியாகு

-
""உலகின் எங்கோ
ஒரு மூலையில்
நடக்கும் அநியாயத்தைக்
கண்டு உங்கள்
மனம் கொதித்தால்
நாம் இருவரும் தோழர்களே........""

--- சே குவேரா
============================