அடுத்த பாடல்

உறங்கையிலெ பானைகளை
உருட்டுவது பூனைக்குணம் -காண்பதற்கே
உருப்படியாய் - இருப்பதையும்
கெடுப்பதுவே குரங்கு குணம்
ஆற்றில் இறங்குவோரைக்
கொன்று இரையாக்குதல் முதலை குணம் -ஆனால்

இத்தனையும் ஒரு மனிதனிடம்
மொத்தமாய் வாழுதடா

பொறக்கும் போது -மனிதன்
பொறக்கும் போது பொறந்த
குணம்போகப் போக மாறுது -எல்லாம்
இருக்கும்போது பிரிந்த குணம்
இறக்கும்போது சேருது

பட்டபகல் திருடர்களை
பட்டாடைகள் மறைக்குது
பஞ்சைத்தான் திருடனென்று
ஊரே சேர்ந்து உதைக்குது

(பொறக்கும் போது ......)

காலநிலையை மறந்து சிலது
கம்பையும் கொம்பையும் நீட்டுது -புலியின்
கடுங்கோபம் தெரிஞ்சிருந்தும்
வால புடிச்சு ஆட்டுது
வாழ்வின் கணக்கு தெரியாமல்
ஒன்னு காச தேடி பூட்டுது -ஆனா
காதோரம் நரைச்ச முடி
கதமுடிவ காட்டுது

(பொறக்கும் போது .... )

புரளிகட்டி பொருளைதட்டும் சந்தை
பச்சை புளுகை விற்று
சலுகை பெற்ற மந்தை
இதில் போலிகளும் காலிகளும்
பொம்மலாட்டம் ஆடுகின்ற
விந்தைசொன்னால் நிந்தை

(பொறக்கும்போது ...........)

உப்புகல்லை வைரம் என்று
சொன்னால்நம்பி ஒப்புகொள்ளும்
மூடருக்கு முன்னால்நாம்
உளறி என்ன அலறி என்ன
ஒன்றுமே நடக்கவில்லை
தோழா வெகு நாளா ..



(இது பட்டுகோட்டையாரின் பாட்டே தாங்க இதில் இடைநுழைக்க வழி இல்லாமல் அவரே சிலரை அருமையாக அம்பலபடுத்து இருக்கார்
இதுக்கு மேல என்ன வேணும் சொல்லுங்க :)