செம்மலர்

வேலை ஏன் சுமையாகிறது

2012-01-31T14:22:00.000+05:30

வேலை ஏன் சுமையாகிறது

நாம் எதாவது ஒரு வேலை செய்ய கடமைபட்டிருக்கிறோம் 8 மணிநேரம் ஒரு வேலையை செய்தாக வேண்டும் நேற்று செய்த அதே வேலை மணிக்கணக்காக ஆனால் எத்தனை பேர் மிகவும் சந்தோசமாக வேலையை செய்கிறோம் என்றால் விரல் விட்டு எண்ணிடலாம் இது ஏன் ? ஒரு பக்கம் வேலை கிடைக்கவில்லை இன்னொரு பக்கம் வேலை சுமையாக அழுத்து கிறது .

பெரிய பெரிய கம்பெனிகள் கிளப்புகள் அல்லது வார இறுதி கொண்டாட்டங்களில் மூலம் மன அழுத்தத்தை குறைக்க முயன்றாலும் மன அழுத்தமும் வேலை சார்ந்த மன இறுக்கமும் நாள் தோறும் அதிகரிக்கிறது தவிர குறையவில்லை .

ஆன்மீக வியாபாரா தளகளில் தியானம் , யோகா , மூச்சு பயிற்சி ஆகியவை கற்று தந்து வேலை அழுத்தத்தை குறைக்க பார்க்கிறார்கள் .

சினிமா, இதழ்கள் , விளையாட்டு என்ற பொழுது போக்கு சாதனங்களோ மேலும் மேலும் மனிதனை தன்னிலை உணர்விலிருந்து மழுங்கடிக்க வடிக்கப்பட்ட சாதனங்களாகிவிட்டன .

வேலை ஏன் சுமையாகிப்போனது :

திரும்ப திரும்ப செய்யப்படும் வேலையை குறிப்பிட்ட ஒரு அளவு மட்டுமே ஒரு மனிதன் செய்ய முடியும் பெரும்பாலும் தனக்கு பிடிக்கிறதோ இல்லையோ சந்தை விதிகளில் உந்தபட்ட ஒவ்வொருவரும் ஒரு வேலையை அடைகிறார்கள் தங்களது வாழ்நாள் முழுக்க அந்த வேலையை கட்டி அழவேண்டி இருக்கிறது இதன் காரணம் தனிதிறமைகளை வளர்த்து பொருளுற்பத்தியில் தனிதிறமைகளின் மூலம் உற்பத்தியை பெருக்கும் லாபநோக்க (முதலாளித்துவ) உணர்வே காரணம்.

ஒரு நாட்டின் தேவைக்காக உற்பத்தி செய்யப்பட்டால் அந்த நாட்டின் சட்டைகளின் எண்ணிக்கையை ஒரு வாரத்தின் அந்த நாட்டின் துணி மில்கள் அடைந்து விடும் என்றால் மிச்சம் இருக்கும் மூன்று வாரங்களை விடுமுறைக்கு விடலாம் அல்லது வேறு தொழில்களில் அந்த தொழிலாளர்களை ஈடுபடுத்தலாம் ஆனால் மில் முதலாளியின் லாபநோக்கத்திற்கான உற்பத்தியினால் கசக்கி பிழியப்படும் ஒரு தொழிலாளி தனது உயிர்சக்தியால்(உழைப்பு)முதலாளியின் பாக்கெட்டை நிரப்பும் போது -தனது சொந்த வாழ்க்கையை நமுந்து போவதை உணர்கிறான் ஆனால் இந்த உணர்வின் மூலம் அவனால் எதுவும் செய்ய இயலாது .

தனிதிறமை நல்லதா கெட்டதா?

ஒரு துறையின் தனி திறமையாளன் அந்த தொழிலில் அதிக உற்பத்திக்கு உதவுவான் உதாரணமாக
பத்து ஆண்டுகள் லேத்து பட்டறையில் இருந்த ஒரு மனிதன் ஒரு மணி நேரத்தில் நூறு நட்டுகளை கடைய முடியும் ஆனால் ஒரு ஆண்டு அனுபவம் மிக்கவன் 50 நட்டுகளே கடைய முடியும் என்பதால் ஒரே வேலையில் அனுபவம் பெற பெற அவனது சம்பளம் அதிகரிக்கும் என்ற காரணத்தால் ஒரே வேலையை செய்கிறான் தொழிலாளி அதே நேரத்தில் ஒரு பணியில் ஒரே தொழிலாளியை நியமிக்கும் ஒரு முதலாளிக்கு நிறைய நட்டுகளை செய்வதால் கிடைக்கும் லாபமே முக்கியம் இந்த லாபநோக்கத்தில் உந்தபடும் ஒரு தொழிலில் தனிநபர் மட்டும் எப்படி தப்பித்து தனது மனதிருப்திக்காக வேலையை செய்ய முடியும் அவ்வாறு செய்யமுடியும் என பேசுவதும்
ஒரு ஏமாற்றே .

தனிநபர் திறமை நல்லது ஆனால் அதை உபயோகிக்கும் முறையே தவறு திறமை என்பது திறமையாளனின் கழுத்தை சுற்றி சுத்தப்பட்ட சுருக்கு கயிறாகிவிட்டது வேதனை

உழைப்பு சக்தி ஒரு சந்தைபொருள்:

ஒரே மாதிரியான கணக்கெடுக்கும் பணி அல்லது கணக்கெழுதும் பணி அல்லது நிரல் எழுதும் பணியை என்னால் மணிக்கணக்கில் செய்ய இயலாது என சொல்வீர்கள் ஆயின் அடுத்த நிமிசமே
வரிசையில் உங்களுக்கு பின்னால் நிற்கும் நபரால் உங்கள் வேலை தட்டி பறிக்கப்படுவதை உணர்வீர்கள் ஏனெனில் உங்களுக்கு கொடுக்கப்படும் ஊதியத்திற்கும் குறைவாக ஊதியம்பெற்றுகொண்டு தனது உழைப்பு சக்தியை வழங்க அங்கே பலபேர் வரிசையாக நிற்கவைக்கப்படுகிறார்கள் .

உற்பத்தி பொருளும் சந்தைக்கு உழைப்பு சக்தியும் சந்தைக்கு என்பதில் உழைப்பு சக்தி என்பது
உயிர்சக்தி என்ற கருணை எல்லாம் இல்லாமல் சந்தைக்குட்பட்ட விதிபடி இயங்கும் போது
எங்கிருந்து உழைப்பு சக்தியின் சுதந்திர செயல்பாடு பிறக்கும்

திறமை வளர்கிறது என்பது உண்மையா?

அழகான கட்டிடங்கள் , நுட்பமான அறிவியல் பொருட்கள் ,மிக அதிசயமான உலகம் என கண்முன்
விரிந்த உலகமோ ஒடுக்கப்பட்டு வேலை வாங்கப்பட்ட தொழிலாளர்களின் திறமையால் ஆனது
இந்த திரைக்கு பின்னே எத்தனையோ கோடி தொழிலாளர்களின் உழைப்பு சக்தி இருக்கிறது .

சந்தைக்கு போட்டியாக உருவாக்கப்பட்ட ஒரு மோட்டார் பைக்கின் நல்ல அம்சங்களினால் கிடைக்கும் லாபம் முதலாளியின் பாக்கெட்டுக்கு போகும் போது அதில் கிடைத்த கூலி மட்டுமே
அந்த டெக்னீசியனுக்கு போகிறது கூலிக்காக திறமையை விற்கும் அவனைவிட இன்னொரு கூலி குறைவான திறமைகாரன் வரும்போது இவனது திறமை விலக்கப்படும் .

மிக விரைவில் ஓடும் மோட்டார் சைக்கிள் என்பது மொத்த சமூகத்தின் தேவையை கருதி உற்பத்தி
செய்யபடுவதில்லை அதற்கு இருக்கும் மார்கெட் அந்த மார்கெட் முடிந்தததும் இன்னொரு பைக்
மார்கெட்டில் இன்னும் விலை குறைந்து கிடைக்கும் போது இந்த திறமை மதிப்பிழந்து போகிறது
இப்போது இந்த தொழிலாளிக்கு வேலை இழப்பு அல்லது கூலி இழப்பு வந்து வாய்க்கிறது.

திறமையை மட்டும் கொண்டுள்ள இந்த டெக்னீசியன் சந்தை விதிகளால் பந்தாடபடுகிறான் .

ஆக மார்கெட்டுக்கான திறமை என்பதே குறைபாடனாது தேவைக்கான திறமையே சரியானது .

200 கிலோ மீட்டர் வேகத்தில் செல்ல விரும்பும் ஒரு சில நபர்களுக்காக உற்பத்தி செய்வதை விட
அநேகமாக எல்லாரும் அதிகபட்சம் 100 கிலோமீ வேகத்திலும் எரிபொருளை குறைவாகவும்
பெற்று ஓடும் ஒரு மோட்டார் சைக்கிள் என்பது மொத்த சமூகத்தின் தேவையா என கணித்து
அதை உருவாக்க தேவைப்படும் திறமையே சரியான திறமையாக நாளும் மெருகேரும் திறமையாக
அமையும்

தனது உழைப்பில் இருந்து அந்நியமாதல்:

தான் கட்டிய கட்டடம் ஆகட்டும் தான் நெய்த பட்டாடை ஆகட்டும் எந்த தொழிலாளிக்கும் வாய்ப்பதில்லை ஏனெனில் அவனது கூலியை கொண்டு அதை வாங்க இயலாத நிலைமையே காரணம் - தனது உழைப்பின் பயனை தான் அடைய முடியாத போது தனது சொந்த உழைப்பு எப்படி வெளிப்படும் .

கடனே என வேலை செய்வதுதான் மிஞ்சும் , இந்த கடன் வேலை என்பது சுமைதான் நேரத்தை கழிக்க பணிமனைக்கு செல்லும் ஒவ்வொரு தொழிலாளியும் தனது வாழ்நாளை வீணாக கழிக்கிறான் . தானே தனக்கு பொருளற்றவன் ஆகிறான்

பயன் மிக்க உழைப்புக்கு என்ன செய்ய வேண்டும் :

சந்தைவிதிகளால் இயக்கப்படும் இந்த சமூக அமைப்பை மாற்ற வேண்டும் . தேவைக்கு ஏற்ற உற்பத்தி மிச்ச நேரத்தில் பயன்மிகு கலைகள் ஓய்வு என மனிதன் வாழ்க்கையை அனுபவிக்க வேண்டும் . அதற்கு சமூகத்தில் உழைப்பை வெகு அதிகமாக்கி அனைவரையும் (பணக்காரர்கள் உட்பட) உழைப்பில் ஈடுபடுத்துவதன் மூலம் சமூகத்தின் மொத்த செல்வ வளத்தை அதிகபடுத்தினால் மட்டுமே முடியும் அந்த மொத்த சமூகத்தின் செல்வம் சமூகத்தில் பங்கிடப்படும் போது வேலை என்பது ஒரு சில மணி நேரங்களில் செய்தாலே போதுமானதாக அமையும்

why this kolaveri di பாடல் பிரசித்தம் என்ன சொல்லுது

2012-01-26T17:57:00.001+05:30

ஒரு பாடல் அது தரும் இன்ப நுகர்வை காட்டிலும் அது சமூகத்தில் ஏற்படுத்தும்
தாக்கத்தையும் ஏன் அந்த தாக்கம் ஏற்படுகிறது என்பதையும் பார்க்கவேண்டும்
எந்த காரணமும் இல்லாமல் ஒரு பாடல் வெற்றி பெறுகிறது எந்த காரணமும் இல்லாமல் ஒரு பாடல் ஒரு படம் தோல்வி அடைகிறது என மண்டையை போட்டு உடைத்து கொள்பவர்களுக்கு இணையம் மூலம் ஹிட்டான இந்த பாடல் மேலும் மண்டையை உடைக்க வைக்க போகிறது

Yo boys i am singing song
Soup song...
Flop song ...
Why this kolaveri kolaveri kolaveri di
Why this kolaveri kolaveri kolaveri di
Rhythm correct
Why this kolaveri kolaveri kolaveri di
Maintain this
Why this kolaveri..aaa di.

Distance la moonu moonu moonu coloru whiteu
white background nightu nigthu
nightu coloru blacku
Why this kolaveri kolaveri kolaveri di
Why this kolaveri kolaveri kolaveri di

White skin-u girl-u girl-u
Girl-u heart-u black-u
Eyes-u eyes-u meet-u meet-u
My future dark
Why this kolaveri kolaveri kolaveri di
Why this kolaveri kolaveri kolaveri di

Maama notes eduthuko
Apdiye kaila snacks eduthuko
Pa pa paan pa pa paan pa pa paa pa pa paan
Sariya vaasi
Super maama ready
Ready 1 2 3 4

Whaa wat a change over maama
Ok maama now tune change-u
Kaila glass only english
Hand la glass
Glass la scotch
Eyes-u full-aa tear-u
Empty life-u
Girl-u come-u
Life reverse gear-u
Lovv-u lovv-u, oh my lovv-u
You showed me bouv-u
Cow-u cow-u holi cow-u
i want u hear now-u
god i m dying now-u
she is happy how-u

This song for soup boys-u
We dont have choice-u
Why this kolaveri kolaveri kolaveri di [x4]
Flop song
--

ஆங்கிலத்தில் எழுதப்பட்ட அந்த பாடலின் ஒரு மொழியாக்கம்
இதோ
//தமிழ்ல பாடுங்க பிளீஸ் :)

ஏனிந்த கொலைவெறி கொலைவெறி பெண்ணே
ஏனிந்த கொலைவெறி கொலைவெறி பெண்ணே
ஏனிந்த கொலைவெறி கொலைவெறி பெண்ணே

தூரத்தில நிலா நிலா நிலா வண்ணம் வெள்ளை
வெள்ளை பின்னாடி இரவு இரவு
இரவின் வண்ணம் கருப்பு
ஏனிந்த கொலைவெறி கொலைவெறி பெண்ணே
ஏனிந்த கொலைவெறி கொலைவெறி பெண்ணே

வெள்ளை தோலு பொண்ணு பொண்ணு
பொண்ணு மனசு கருப்பு
கண்ணும் கண்ணும் மோதி மோதி
என் எதிர்காலமாச்சு கருப்பு
ஏனிந்த கொலைவெறி கொலைவெறி பெண்ணே
ஏனிந்த கொலைவெறி கொலைவெறி பெண்ணே

கையில் கிண்ணம்
கிண்ணத்தில் சரக்கு
கிண்ணம் முழுசும் கண்(நீரு)
வெத்து வாழ்க்கை
பொண்ணு வருது
பின்னாடி சுழலும் வாழ்க்கை

காதல் காதல் என்னோட காதல்
நீ காட்டின பவ்வு
கவ்வு கவ்வு புனித கவ்வு
நீ கேட்டே ஆகனும் கவ்வு

நான் காதலில் சாகிறேன்
அவளோ சந்தோசத்தில் எப்படி

ஏனிந்த கொலைவெறி கொலைவெறி பெண்ணே
ஏனிந்த கொலைவெறி கொலைவெறி பெண்ணே// (மொழிபெயர்ப்பில் குறை இருக்கலாம் பொறுத்தருள வேண்டும் :)

சாராம்சமாக பெண்களால் வாழ்க்கை இருட்டில் தள்ளப்படுவதாக
இந்த பாடல் எழுதப்பட்டுள்ளது .

பெண் என்பவள் எப்போதுமே அடங்கி கிடந்த காலங்கள் போய்விடும் போது
பெண்களும் வேலைக்கு போய் தனது சுய சம்பாத்தியத்தில் நிற்கும் போது அவர்களின்
காதல் திருமணம் போன்ற பசப்பு வார்த்தைகளின் மேல் மிக நன்றாக புரிதல் வந்து விடுகிறது
சமூகத்தில் கட்டுபெட்டியாக இருக்கும் பெண்களை ஏமாத்த முடிந்த ஆணால்
கல்வி பெற்று சிந்திக்கவும் விவாதிக்கவும் தெரிந்த பெண்ணை அவ்வளவு
சீக்கிரம் வலையில் வீழ்த்த முடிவதில்லை என்பது உலகம் பூராவும்
ஒன்றாக அமைவதால் உலகம் பூராவும் ஆண்களுக்கு ஏற்படும் தோல்வியே
இந்த பாடலின் சோசமாக அமைவதால் ஒரு வேளை இந்த பாடல் ஹிட்டாகி இருக்கலாம்

லேசா எடுத்துகொள்வது :

வாழ்க்கை , தத்துவம் , சோகம் எல்லாவற்றையும் சிரிப்பாகவும் லேசாகவும் எடுத்து கொள்ளும்
ஒரு மனநிலை இந்த பாடலில் மூலம் வெளிவருகிறது .

எனவே வாழ்க்கையில் ஏற்படும் சோகத்தையும் அதன் காரணத்தையும் ஆராய தேடி களையாமல்
அதை ஜோக்காக மாற்றி நகரும் மனநிலை ஒரு மந்தமான மனநிலையே

விட்டு விடுதலையாகி ஒரு சிட்டு குருவியை போல:
--------------------------------------------
பாரதி சொல்லும் இந்த சிட்டு குருவி மனநிலையும் மேலே சொல்லப்பட்ட லேசா எடுத்து கொள்ளும் மனநிலையும் ஒன்றல்ல போராடி தீர்த்த பின் வருவது இந்த சிட்டு குருவி மனநிலை போராட்டதிலிருந்து விலகுவதால் வருவது வை திஸ் கொல வெறி மனநிலை

பெண் மீதான தாக்குதலின் வடிவமல்ல என்பவர்களுக்கு :’

நேராக பெண்ணை தாக்கி எடுக்கப்பட்ட “ கட்டவண்டி கட்ட வண்டி “ “கார்ல போவா ஊர சுத்துவா காப்பி குடிப்பா” என்கிற பாடல்கள் எல்லாம் முடிந்து பெண் மீதான எள்ளலே தெரியாத வண்ணம்
எழுதுவது என்பதும் ஒரு தாக்குதலே

ராக்கிங்க் செய்ய பயன்படுத்த மாட்டார்களா :

நாள் தோறும் நொடிதோறும் எதாவது ஒரு சினிமா பாடல் பெண்களை கிண்டலடிக்க பயன்படுவது போல இது பயன்படாது என சொல்ல முடியாது இதுவும் அதற்கு பயன்படும் .

எந்த பெண்ணுக்கும் டி போட்டு பேசினால் பிடிக்காது ஆனால் இந்த பாடலின் முக்கால் சதவீதம் டிதான்

உலக பிரசித்தம் என்கிற மாய வலை :
--------------------------------
ஒரு விசயம் உலக பிரசித்தம் ஆனாலே அது நல்லது போற்றதக்கது என்று பொருளல்ல அது போலத்தான் இந்த பாடலும் அதன் பிரசித்தி காரணமாக போற்றுவது செம்மறி ஆட்டின் மனநிலையே

சங்கர் குஹா நியோகியை எடைபோடும் மக இகவின் குறைபட்ட பார்வை என்ன ?

2012-01-23T09:08:00.005+05:30

சில விசயங்களை மேலோட்டமாக படிப்பதாலேயே ஒரு அமைப்பின் உள்நோக்கத்தை அது சொல்ல வரும் சேதியை புரிந்து கொள்ளமுடியாது. அந்த அமைப்பு புரிய கூடாது என்ற நோக்கத்தில் கருத்தை சொல்லவேண்டும் என்ற கட்டாயத்துக்கு வரும் போது அது சொல்லும் கருத்துக்களில் சில எப்படி இருந்தாலும் அந்த அமைப்புகளின் உள்நோக்கத்தை பட்டவர்த்தனமாக காட்டிவிடுகின்றன

வினவு சங்கர் குஹா நியோகி: மண்ணையும் மக்களையும் நேசித்த தலைவன்! http://www.vinavu.com/2011/11/28/shankar-guha-niyogi/என்ற பதிவை படித்த போது மேலோட்டமாக நியோகியை புகழ்வதுபோல் தான் இருந்தது. ஆனால் சில இடங்களில் நாசூக்கா நியோகியின் மீது சில விமர்சனங்களை வைப்பது ஏன் என்று எனக்குப் புரியாமலயே இருந்தது.

நியோகியின் மீது வினவு வைக்கும் விமர்சனம் 1:

//அவர் நம்பிக்கை வைத்த சட்டங்களும் அரசு அமைப்பும் அவரது உயிரை பாதுகாக்க முடியவில்லை. அவரை கொலை செய்ய சதி செய்தவர்களுக்கு தண்டனை அளிக்கக் கூட நீதி அமைப்பால் முடியவில்லை.//

அதாவது நியோகி இந்த சட்டங்கள் மீதும் அரசு அமைப்பு மீதும் நம்பிக்கை வைத்தார் என்பது நியோகியின் மீது வினவு வைக்கும் ஒரு விமர்சனம்.

நியோகியின் மீது வினவு வைக்கும் விமர்சனம் 2:

//மண்ணையும், மக்களையும்,தொழிலாளர்களையும் நேசித்து, சமரசமின்றி போராடிய சங்கர்குஹா நியோகியின் கொலையும்,நீர்த்துப் போன வழக்கும்தொழிலாளர்கள் புரட்சிகர அமைப்புகளில் சேரவேண்டிய அவசியத்தை உணர்த்துகின்றன.//
அதாவது புரட்சிகர அமைப்பில் இருந்து நியோகி செயல்பட வில்லை என்பது நியோகியின் மீது வினவு வைக்கும் இரண்டாவது விமர்சனம்.

வினவு ஏன் நியோகியை இப்படி விமர்சிக்கிறார்கள் என்று எனக்குப் புரியாமலேயே இருந்தது. மாற்றுக்கருத்து இதழில் தோழர் சங்கர் குஹா அவர்களின் ரத்தத்தால் எழுதப்பட்ட வரலாறு . என்ற கட்டுரையை படித்த பின் எலி ஏன் அம்மணமா ஓடுதுன்னு தெரிஞ்சிக்கிட்டேன்.

இதில சங்கர் குஹா நியோகியின் கொலையும் நீர்த்து போனவழக்கும் என்பதில் என்ன சொல்கிறார்கள் என்றால் நியோகி புரட்சிகர அமைப்பில் இருந்தால் கொல்லப்பட்டிருக்க மாட்டார் என்றோ அல்லது அப்படியே கொல்லப்பட்டிருந்தாலும் வழக்கு நீர்த்து போயிருக்காது என்றோதான்.

அவரது மரணம் நிகழ்திருக்காது அல்லது மரணம் நிகழ்ந்தாலும் தொடர்ச்சியா போராடி நீதி வாங்கியிருப்பர் அல்லது பலிக்கு பலி வாங்கி இருப்பார்கள் புரட்சிகர இயக்கங்கள் என்பதை சொல்லாமல் சொல்கின்றன இந்த வாக்கியம்.

அதென்ன தொழிலாளர்கள் தொழிற்சங்களில் சேராமல் புரட்சிகர அமைப்புகளில் சேர சொல்லும் அடுத்த வரி என்று பார்த்தால் நியோகி மண்ணையும் மக்களையும் நேசித்ததோடு அல்லாமல் மண்ணின் முரண்பாட்டையும் அறிந்து கொண்டார் அதனால்தான் சமரசமின்றி போராட முடிந்தது. இத்தகைய சமரசமற்ற போராட்டத்தின் பரிசாக மரணம் வாய்க்கும் என்றால் அந்த மரணத்தை தவிர்ப்பதற்காக ஒரு மாற்று வழிமுறையை பற்றி வேறு பாதுகாப்பான இயக்கத்தை பற்றி ஒரு கம்யூனிஸ்டு சிந்திக்க மாட்டான் தனது போராட்டத்தின் பலனாக தனது உயிர் போய்விடுமோ என அஞ்சுகிறவன் என்றைக்கும் மக்களுக்காக போராட வரமாட்டான்.

நியோகிக்கும் எம் எல் அமைப்புகளுக்கும் உள்ள பெருத்தவேறுபாடு என்ன ?
நியோகி மலைவாழ்மக்களை கூலி தொழிலாளர்களாக பார்த்தார்(அவர்களின் வாழ்நிலை அது) ஆனால் இவர்களோ அவர்களைமலைவாழ் மக்களாகவே பார்ப்பதும் அவர்கள் கூலிக்காக சுரண்டப்படும்போது சங்கமாக சேர்த்து போராட சொல்லாமல் அப்படியே காட்டுக்குள் வைத்திருக்க சொல்லும் முடிச்சு விழுந்தசிந்தனை இது

அதென்ன முடிச்சுன்னு கேட்டீங்கன்னா இந்தியாவில் நிலபிரபுத்துவ முரண்பாடு பிரதானமானதுன்னு இவங்க கட்சி திட்டம் சொல்லுது. ஆனால் நிலமையோ முதலாளித்துவ முரண்பாடேநிலவுதுன்னு சொல்லுது அதை சரியா பார்க்க முடிஞ்சவர் நியோகிஅவரது பார்வையை குறைசொல்லமுடியாது ஏன்னா அவர் ஆயிரக்கணக்காக மக்களை திரட்டிவிட்டார்.

அவரது வழிமுறையை குறை சொல்ல முடியாது ஏன்னா அவரது வழிமுறையில் நிறையவெற்றிகளை பெற்று விட்டார்

இப்போது அவரது இறப்பை குறை சொல்கிறார்கள் இதன் மூலம் இறந்து போன இவர்களது தத்துவ வறுமையை மறைக்கிறார்கள். நியோகிக்கு இல்லை சாவு. ஏனெனில் அவரது வழிமுறை இன்னும் உயிர்போடு இருக்கிறது. ஆனால் நிகழ்காலத்தில் வாழ்ந்துகொண்டே இறந்துபோனமூளையுடன் செயல்படும் இவர்களோ சொல்கிறார்கள் புரட்சிகர இயகத்தில் சேரவேண்டும் என்று. ஏனெனில் கொலையும் , வழக்கு நீத்து போவதும் நிகழாதுன்னு வாக்குறுதிகொடுக்கிறார்கள்

மா.சிவக்குமாரின் தரும சிந்தனையின் மேல் விவாதம்

2012-01-20T20:03:00.002+05:30

மா.சிவக்குமாரின் தரும சிந்தனையின் மேல் விவாதம்

மா.சிவகுமாரின் இந்த பதிவை படித்துவிடுங்கள் இதிலிருந்து எனது விவாதம்

தொடங்குகிறது

http://masivakumar.blogspot.com/2012/01/blog-post_18.html

திரு மா. சிவக்குமார் மட்டுமல்ல சமூகத்தில் நிலவும் வறுமைக்கு இறங்காதவர்கள் யாருமே இல்லை ஆனால் அதற்கான காரணத்தை

ஆராயவும் அதை தீர்பதற்கும் தான் யாரும் முன்வரவில்லை .

அவரது பதிவில் சொல்லி இருக்கும் அந்த பசிப்பிணிக்கு காரணம் முதலாளித்துவம்தான் என்கிற எனது குற்றச்சாட்டுடன் எனது விவாதம்

தொடங்குகிறது

சாராம்சமாக:

இந்த விவாத்த்தில் முதலாளித்துவம் என்ற காரணத்தில் ஆரம்பித்த நான் கூலி உழைப்பும் மூலதனமும் எதிர்விகித தொடர்புடையன என்பதை நிருவ முயன்று இருப்பேன் விசயத்தை மொத்தமாக பார்க்காமல் தனிதனியாக சிவக்குமார் மட்டுமல்ல நிறைய பேர் இவ்வாறுதான் பார்க்கிறார்கள் என்பதால் பிரச்சனையின் அடிநாதம் கூலி உழைப்பு முறை நிலவும் இந்த சமூகத்தின் உற்பத்தி முறைதான் என்பதை ஆணித்தரமாக நிருவ முயல்கிறேன்

-------------------------------------------------------------

தியாகு: மா சி இந்த அவல நிலைக்கு காரணம் முதலாளித்துவம் தானே

மா.சி: அதுதான் தெரியவில்லை. எப்படின்னு நீங்க விளக்கமா எழுத வேண்டும்

ராஜ்குமார் சின்னசாமி: இந்த முதலாளித்துவம் பேசும் ஆட்கள் யார்?

முதலாளி ஆக முடியாதவங்களா ?

அமெரிக்க கம்பெனிகளில் வேலை பார்ப்பவர்களா?

தள்ளு தள்ளு அடுத்தவர்களை தள்ளும் ஆட்களா?

இல்லை உண்மையாகவே சோ கால்ட் முதலாளித்துவத்தில் பாதிக்கப்பட்டவர்களா ?

தியாகு:

முதலாளித்துவம் பேசும் ஆள்கள் குட்டி முதலாளியா இருக்கிறவுகதான் (இணையத்தில்) தானும் ஒரு பெரிய முதலாளி ஆவோம் என்கிற நப்பாசையில் இருக்கிறவக

நம்ம அதியமான் அண்ணாச்சி முதலாளித்துவம் குழந்தை பருவத்தில் செய்த சாதனைகளை இன்னும் அது செய்துட்டு இருக்கிறதா கனவு காண்பவர்

ஆனால் முதலாளித்துவம் அழுகி நாறி விடும் நிலமைக்கு வந்த பிறகும் அதுதான் காரணம் என சொல்லாமல் அது இன்னும் முழுக்க முழுக்க வந்துவிட்டால் பிரச்சனை தீர்ந்துவிடும் என ஆத்து ஆத்துன்னு சொற்பொழிவு ஆத்திட்டு இருக்கார் வினவுல

நம்ம மாசி பாவம் முதலாளித்துவத்தின் கோர பிடியில் நடக்கும் அவலங்களை வெறுப்பவர் ஆனால் முதலாளித்துவத்தை ஆதரிப்பவர் தனது கொள்கையின் படி நின்று முதலாளித்துவத்தை ஆதரிப்பதா அல்லது மனசாட்சியின் படி நின்று சோசலிசத்தை ஆதரிப்பதா என தடுமாறுபவர் (என் கணிப்பு இதை ஒத்துக்க மாட்டார் )

வேற வழியில்லாம தனது மனசாட்சிக்கும் , கொள்கைக்கும் சமரசபடுத்தும் படி இருக்கும் வினவோடு ஐக்கியமானவர் மா சி

மா.சி :

இந்த அவல நிலைக்குக் காரணம் முதலாளித்துவம் என்று விளக்காமல் வேறு ஏதோ சொல்கிறீர்கள்.

1. நாம் விவாதத்துக்குப் பயன்படுத்தும் இணையம் கூட முதலாளித்துவத்தின் மூலம் உருவானதுதான். அப்படி இருக்கையில் அவல நிலைக்கு காரணம் முதலாளித்துவம் என்று எப்படிச் சொல்கிறீர்கள்?

2. முதலாளித்துவம் குழந்தை பருவத்தில் என்ன சாதனைகள் செய்தது என்று ஒரு பதிவு போடுங்கள். அந்த சாதனை பருவத்திலிருந்து இப்போது அழுகி நாறி விடும் நிலைமை எப்படி ஏற்பட்டது என்றும் விளக்க வேண்டும்.

3. மனசாட்சியின்படி ஏன் சோசலிசத்தை ஆதரிக்க வேண்டும்? எனது மனசாட்சிக்கும் கொள்கைக்கும் வினவு எப்படி சமரசப்படுத்துகிறது என்றும் எனக்குப் புரியவில்லை.

தியாகு:

//1. நாம் விவாதத்துக்குப் பயன்படுத்தும் இணையம் கூட முதலாளித்துவத்தின் மூலம் உருவானதுதான். அப்படி இருக்கையில் அவல நிலைக்கு காரணம் முதலாளித்துவம் என்று எப்படிச் சொல்கிறீர்கள்? //

ஒரு சமூக அமைப்பு தானாக தோன்றி விடாது நிலவுடமை சமூகத்தில் இருந்து முதலாளித்துவமும் முதலாளித்துவத்தில் இருந்து சோசலிசமும் தோன்றும் ஏனெனில் உற்பத்தி சக்திகளின் வளர்ச்சி என்பது அதிகரிக்கும் போது உற்பத்தி உறவு என்பது காலுக்கு பத்தாத சட்டையாகி விடுகிறது

//2. முதலாளித்துவம் குழந்தை பருவத்தில் என்ன சாதனைகள் செய்தது என்று ஒரு பதிவு போடுங்கள். அந்த சாதனை பருவத்திலிருந்து இப்போது அழுகி நாறி விடும் நிலைமை எப்படி ஏற்பட்டது என்றும் விளக்க வேண்டும். //

இன்று நாம் அடைந்துள்ள முன்னேற்றம் அனைத்திற்கும் முதலாளித்துவமே காரணம் ஆனால் அந்த வளர்ச்சி சர்வாம்ச வளர்ச்சியாக இல்லாமல் நீங்கள் சுட்டி காட்டும் படி ஒரு குழந்தை வெளிறி சாகும் போது இன்னொரு குழந்தை நன்கு புஸ்டியாக வளருவதற்கு காரணம் இந்த சந்தை பொருளாதாரம் தான்

தற்போது அழுகி நாறிவிடும் நிலமைக்கு வந்ததற்கு காரணம் அது நாடுகளை பிடித்து சுரண்டு முடித்து விட்டது தனது சொந்த நாட்டு மக்களுக்கு இன்னொரு காலனி நாட்டில் இருந்து சுரண்டு கொண்டுவந்து கொடுக்க ஏதுமில்லாத போது அவர்கள் தெருவில் இறங்கி விட்டார்கள்

எந்தளவு மூலதனம் வளர்கிறதோ அந்தளாவு அது கூலி உழைப்பை அதிகரிக்கிறது வறுமையை அதிகரிக்கிறது மூலதனத்தின் சிக்கல் அதுதான்

//3. மனசாட்சியின்படி ஏன் சோசலிசத்தை ஆதரிக்க வேண்டும்? எனது மனசாட்சிக்கும் கொள்கைக்கும் வினவு எப்படி சமரசப்படுத்துகிறது என்றும் எனக்குப் புரியவில்லை.//

60 ஆயிரம் சம்பளம் வாங்கினவன் 10 ரூபாய் அதிகம் கேட்டால் கொடுக்க வேண்டியதுதானே என ஒரு கமெண்டில் சொன்னீர்கள் அது உங்கள் கொள்கைக்கு முரணான மனசாட்சியின் குரல் உங்கள் கொள்கையோ சந்தை பொருளாதாராம் (உங்கள் கொள்ளை சந்தை பொருளாதாரம் சரி என்பது )

வினவு இதைத்தான் செய்கிறது சுரண்டல் அமைப்புதான் தூக்கி எறியப்பட வேண்டியது (மூலதனம் ) என்கிற பணத்தை அல்ல என லெனின் சொன்னதற்கு மாறாக சுரண்டலை வகைப்[படுத்துகிறது சின்ன சுரண்டல் பெரிய சுரண்டல் என மதிப்பிடுகிறது அந்த இடத்தில் அதன் வர்க்க சமரசம் உங்கள் தடுமாற்றத்துக்கு இளைப்பாருதல் தருகிறது .

இதுதான் நீங்களும் வினவும் சந்திக்கும் புள்ளி

மா.சி:

//ஒரு சமூக அமைப்பு தானாக தோன்றி விடாது நிலவுடமை சமூகத்தில் இருந்து முதலாளித்துவமும் முதலாளித்துவத்தில் இருந்து சோசலிசமும் தோன்றும் ஏனெனில் உற்பத்தி சக்திகளின் வளர்ச்சி என்பது அதிகரிக்கும் போது உற்பத்தி உறவு என்பது காலுக்கு பத்தாத சட்டையாகி விடுகிறது //

உற்பத்தி சக்திகள் என்றால் என்ன? அவை வளரும் போது உற்பத்தி உறவு (என்றால் என்ன?) எப்படி காலுக்கு பத்தாத சட்டையாகிறது?

//இன்று நாம் அடைந்துள்ள முன்னேற்றம் அனைத்திற்கும் முதலாளித்துவமே காரணம் ஆனால் அந்த வளர்ச்சி சர்வாம்ச வளர்ச்சியாக இல்லாமல் நீங்கள் சுட்டி காட்டும் படி ஒரு குழந்தை வெளிறி சாகும் போது இன்னொரு குழந்தை நன்கு புஸ்டியாக வளருவதற்கு காரணம் இந்த சந்தை பொருளாதாரம் தான்//

அதாவது முதலாளித்துவம் நம் முன்னேற்றத்தை உருவாக்கியது, ஆனால் ஏற்றத் தாழ்வுகளை உருவாக்கியது என்று சொல்கிறீர்களா?

//தற்போது அழுகி நாறிவிடும் நிலமைக்கு வந்ததற்கு காரணம் அது நாடுகளை பிடித்து சுரண்டு முடித்து விட்டது தனது சொந்த நாட்டு மக்களுக்கு இன்னொரு காலனி நாட்டில் இருந்து சுரண்டு கொண்டுவந்து கொடுக்க ஏதுமில்லாத போது அவர்கள் தெருவில் இறங்கி விட்டார்கள் //

முதலாளித்துவத்துக்கும் நாடு பிடிப்பதற்கும் என்ன தொடர்பு? காலனி நாட்டில் இருந்து சுரண்டி கொண்டு வந்து கொடுக்க வேண்டும் என்று என்ன தேவை. அவர்களே விளைச்சல்/உற்பத்தி செய்து பயன்படுத்திக் கொள்ளலாமே!

//எந்தளவு மூலதனம் வளர்கிறதோ அந்தளாவு அது கூலி உழைப்பை அதிகரிக்கிறது வறுமையை அதிகரிக்கிறது மூலதனத்தின் சிக்கல் அதுதான் //

முதலீடு வளர்ந்தால் வேலை வாய்ப்பு அதிகரிக்கும், அதன் மூலம் மக்களின் வாழ்க்கை தரம் உயரும். அதில் என்ன சிக்கல்?

வினவு தொடர்பான கருத்தையும் கொஞ்சம் அடிப்படையிலிருந்து விளக்கும்படி கேட்டுக் கொள்கிறேன்.

தியாகு:

(இதை பகுதிகளை வேறு இங்கிருந்து எடுத்து போட்டு இருக்கேன்) (http://www.desathinkural.org/)

உற்பத்திச் சக்திகளினுள் உற்பத்திச் சாதனங்களும் (இவற்றின் உதவியால்தான் பொருளாயத நலன்கள் உற்பத்திச் செய்யப்படுகின்றன). இச்சாதனங்களைப் பயன்படுத்தி, தம் அனுபவம், ஞானத்தைக் கொண்டு பொருளாயத நலன்களை உற்பத்திச் செய்யும் மனிதர்களும் அடங்குவர். உற்பத்தி அனுபவம் உடைய மனிதர்கள்தான் இதில் தீர்மானகரமான பங்காற்றுகின்றனர். இவர்கள்தான் சமுதாயத்தின் பிரதான உற்பத்திச் சக்தி. மனிதர்கள் இல்லாவிடில் மிக நவீனமான இயந்திரத்தை வைத்து கூட ஒன்றும் செய்ய முடியாது. மனிதர்கள்தான் புதுப்புத இயந்திரங்களைக் கண்டு பிடித்து உருவாக்குகின்றனர், இவற்றைப் பின் உற்பத்தியில் பயன்படுத்துகின்றனர்.

உற்பத்திச் சாதனங்கள் சமுதாயத்தின் பொருளாயத தொழில்நுட்ப அடித்தளத்தை ஏற்படுத்துகின்றன. உழைப்புச் சாதனங்கள், எல்லாவற்றிற்கும் மேலாக உழைப்புக் கருவிகள்தான் சமுதாயத்தின் உற்பத்திச் சக்திகளிடையே மிகவும் மாறுபடும் தன்மையுள்ளன, நவீனப்படுத்தும் அம்சங்களாகும். இவற்றிலிருந்துதான் பொருளாயத உற்பத்தியில் முற்போக்கான மாற்றங்கள் ஆரம்பமாகின்றன; இவைதான் இறுதியில் மனித சமுதாயத்தின் வாழ்வில் எல்லா மாற்றங்களையும் நிர்ணயிக்கின்றன.

மா.சி :

//இயந்திரமும் தொழிற்சாலையும் உற்பத்தி சக்திகள்தாம் ஆனால் முதல் போட்ட முதலாளிகள் இல்லை//

ஓ, புரிகிறது. முதல் போட்ட முதலாளியும் சேர்ந்து உழைக்கும் இடத்தில் மட்டும்தான் அவர் உற்பத்தி சக்தி. (மளிகைக் கடை அண்ணாச்சி, லேத் பட்டறை போட்டிருக்கும் டெக்னிசியன் போன்றவர்கள்)

//முதலாளிகள் என்பவர்கள் செய்யும் வேலைகளை பெரிய நிறுவனங்களில் கூலிக்கார மானேஜர்கள் செய்கிறார் கள் சார் //

ரிலையன்ஸ், டாடா போன்ற நிறுவனங்களில் சம்பளத்துக்கு வேலை பார்க்கு ceoக்களும் உற்பத்தி சக்தியில் சேருவார்கள்தானே. முகேஷ் அம்பானி, அனில் அம்பானி முதலாளிகள் அவர்களிடம் வேலை பார்க்கும் மேனேஜர்கள் உற்பத்தி சக்திகள்.

//கம்பெனி வளர வளர முதலாளியின் கொஞ்சூண்டு மூளை உழைப்பு தேவைப்படாமல் போய் விடுகிறது அது ஏன்//

அதுதான், கூலிக்கு மேனேஜராக ஆள் வைத்துக் கொள்கிறார்கள் என்று சொல்கிறீர்களே?

தியாகு:

//முதலீடு வளர்ந்தால் வேலை வாய்ப்பு அதிகரிக்கும், அதன் மூலம் மக்களின் வாழ்க்கை தரம் உயரும். அதில் என்ன சிக்கல்?//

இந்த சிக்கலை பார்க்கலாம் அதாவது மூலதனம் அதிகரிக்க அதிகரிக்க வேலை வாய்ப்பு அதிகரிக்கனும் ஆனால் மூலதனம் அதிகரிக்க அதிகரிக்க அமெரிக்கா போன்ற நாடுகள் அந்த நாட்டில் வேலை வாய்ப்பை அதிகரிக்காமல் ஏன் மற்ற நாடுகளில் வேலை வாய்ப்பை அதிகரிக்கிறது அவற்றிற்கு எதாவது தரும சிந்த்னையா ?

மா.சி:

மொத்தத்தில் வேலை வாய்ப்பு அதிகரிக்கத்தானே செய்கிறது. அமெரிக்காவில் கிடைக்கும் வசதிகள் இந்தியா போன்ற முன்னேறும் நாடுகளுக்கும் கிடைக்க வைப்பது இது போன்ற வளர்ச்சியினால்தானே. அது நேரடியாக தரும சிந்தனையாக இல்லாமல் இருக்கலாம், ஆனால் நிகர விளைவு இந்திய மக்களின் வாழ்க்கைத் தரம் உயர்வதில் முடிகிறது. (ஐடி துறையில் வாய்ப்புகள், எஞ்சினியரிங் கல்லூரிகள் முதலியன).

தியாகு:

மொத்தத்தில் வேலை வாய்ப்பு அதிகரிக்கத்தானே செய்கிறது.//

அந்த மொத்தம் சார்பு நிலையானதுதானே தனது நாட்டு தொழிலாளர்களை பட்டினி போட்டு விட்டு அடுத்த நாட்டுக்கு எப்படி வேலை வாய்ப்பை வழங்கலாம் சிவக்குமார்

(இந்தியா போன்ற நாடுகள் வளரட்டும் என்ற தர்ம சிந்தனை அமெரிக்க முதலாளிகளுக்கு வந்துடுச்சான்னு கேட்டேன்)

மா.சி:

//அந்த மொத்தம் சார்பு நிலையானதுதானே தனது நாட்டு தொழிலாளர்களை பட்டினி போட்டு விட்டு அடுத்த நாட்டுக்கு எப்படி வேலை வாய்ப்பை வழங்கலாம் சிவக்குமார் //

பட்டினி போடவில்லை, வேண்டுமென்றால் சொந்தமாக வைத்திருக்கும் கார்கள் 4க்குப் பதிலாக 2ஆக குறைந்திருக்கலாம். அமெரிக்காவில் சராசரி மக்கள் இந்திய பணக்காரர்களை விட வசதியாக வாழ்கிறார்கள் என்றுதான் கேள்விப்பட்டிருக்கிறேன். ஐடி துறை வேலைகள் இந்தியாவுக்கு வந்து விட்டதால் அவர்கள் எல்லாம் பட்டினி கிடக்கப்போவதில்லை.

//(இந்தியா போன்ற நாடுகள் வளரட்டும் என்ற தர்ம சிந்தனை அமெரிக்க முதலாளிகளுக்கு வந்துடுச்சான்னு கேட்டேன்)//

தர்ம சிந்தனை இல்லை என்று நானும் ஏற்றுக் கொள்கிறேன். ஆனால் இந்தியாவில் வறுமை ஒழிய, பட்டினி குறைய அமெரிக்க முதலீடுகளும் உதவுகின்றன என்பது நாம் கண்கூடாக பார்க்கும் ஒன்று.

தியாகு:

தர்ம சிந்தனை இல்லை என்று நானும் ஏற்றுக் கொள்கிறேன். ஆனால் இந்தியாவில் வறுமை ஒழிய, பட்டினி குறைய அமெரிக்க முதலீடுகளும் உதவுகின்றன என்பது நாம் கண்கூடாக பார்க்கும் ஒன்று./

காரணத்துக்கு நீங்கள் போகவே மாட்டீர்களா சிவகுமார் தரும சிந்த்னை காரணம் இல்லை என்றால் என்ன காரணம்

மா.சி:

அமெரிக்க நிறுவனங்கள் தமது தொழிலை விரிவுபடுத்துகிறார்கள். அதற்கு வேலை செய்ய மக்கள் தொகை அதிகமான இந்தியா போன்ற நாடுகளில் அவுட்சோர்ஸ் செய்கிறார்கள். அதுதான் காரணம்.

அமெரிக்காவில் மக்கள் தொகை குறைவு அதனால், அத்தனை பேர் வேலைக்கு கிடைக்க மாட்டார்கள்.

தியாகு:

//அமெரிக்க நிறுவனங்கள் தமது தொழிலை விரிவுபடுத்துகிறார்கள். அதற்கு வேலை செய்ய மக்கள் தொகை அதிகமான இந்தியா போன்ற நாடுகளில் அவுட்சோர்ஸ் செய்கிறார்கள். அதுதான் காரணம். /

தவறான காரணம் அங்கே கூலி அதிகம் இந்தியாவில் கூலி குறைவு

மா.சி:

உண்மை. இந்தியாவில் நிறைய பேர் இருப்பதால் கூலி குறைவுதான். அமெரிக்க முதலீட்டின் மூலம் இந்திய சராசரி நாள் கூலி அதிகமாவதன் மூலம் பலருக்கு ஏழ்மை தீர்ந்திருக்கிறது. உதாரணமாக, நாட்கூலியாக வேலை செய்பவர்களுக்குக் கூட ரியல்எஸ்டேட் வளர்ச்சி காரணமாக, தினக் கூலி உயர்ந்திருக்கிறது. ரியல் எஸ்டேட் வளர்ச்சி ஐடி துறையினால் என்று உங்களுக்கே தெரியும்.

இப்படி ஏழை மக்களுக்கும் நன்மை செய்கிறது அமெரிக்க முதலீடு. அதே நேரம் அமெரிக்காவில் சிலருக்கு ஆடம்பரத்தில் சிறிதளவு பாதிப்பு என்றால் ஒட்டுமொத்த மனித குல அளவில் அதை நாம் ஏற்றுக் கொள்ளத்தானே வேண்டும்?

தியாகு:

http://www.wisegeek.com/what-is-outsourcing.htm (

There are many reasons that companies outsource various jobs, but the most prominent advantage seems to be the fact that it often saves money. Many of the companies that provide outsourcing services are able to do the work for considerably less money, as they don't have to provide benefits to their workers and have fewer overhead expenses to worry about. Depending on location, it may also be more affordable to outsource to companies located in different countries.

மா.சி :

அமெரிக்க அவுட்சோர்சிங் மூலம் இந்திய மக்களுக்கு நன்மை ஏற்பட்டிருக்கிறது என்பதை ஏற்றுக் கொள்கிறீர்களா?

தியாகு:

//உண்மை. இந்தியாவில் நிறைய பேர் இருப்பதால் கூலி குறைவுதான்.// ஒத்து கொண்டதற்கு மிக்க நன்றி அப்போ கூலிக்கும் பொருளின் மதிப்பிற்கும் சம்பந்தம் இருக்கா இல்லையா ?

மா.சி :

//அப்போ கூலிக்கும் பொருளின் மதிப்பிற்கும் சம்பந்தம் இருக்கா இல்லையா//

திடீர் என்று நடுவில் தொடர்பில்லாமல் ஏதோ கேட்கிறீர்கள்? பொருளின் மதிப்பு சந்தையில் அந்த பொருளின் டிமாண்ட்/சப்ளை மூலம் தீர்மானமாகிறது. கூலியும் வேலை செய்பவர்களின் சப்ளை/டிமாண்ட் மூலம் தீர்மானமாகிறது.

இரண்டுக்கும் நேரடியாக என்ன தொடர்பு இருக்கிறது?

தியாகு:

/திடீர் என்று நடுவில் தொடர்பில்லாமல் ஏதோ கேட்கிறீர்கள்? பொருளின் மதிப்பு சந்தையில் அந்த பொருளின் டிமாண்ட்/சப்ளை மூலம் தீர்மானமாகிறது. கூலியும் வேலை செய்பவர்களின் சப்ளை/டிமாண்ட் மூலம் தீர்மானமாகிறது.

இரண்டுக்கும் நேரடியாக என்ன தொடர்பு இருக்கிறது?//

என்ன சார் இப்படி கேட்டு விட்டீர்கள்

பொருளின் மதிப்பு கூலியால் தீர்மானிக்கப்படுகிற காரணத்தால் தான் அமெரிக்காவின் வேலை இந்தியாவுக்கு வருகிறதே தவிர சந்தை மதிப்பின் படி அல்ல

தியாகு:

கூலி , விலை , லாபம் , தரும சிந்தனை இதெல்லாம் ஒன்றோடொன்று தொடர்புடையது

தியாகு :

சரி அடுத்த பகுதிக்கு வருவோம் கூலி குறைவாக இருப்பதால் இங்கு வந்த வேலை வாய்ப்பு இன்னும் கூலி குறைவான ஒரு நாடு கிடைக்கும் போது அந்த நாட்டுக்கு செல்லும் என்று சொல்கிறேன் ஏற்று கொள்கிறீர்களா இல்லையா

மா.சி :

//பொருளின் மதிப்பு கூலியால் தீர்மானிக்கப்படுகிற காரணத்தால் தான் அமெரிக்காவின் வேலை இந்தியாவுக்கு வருகிறதே தவிர சந்தை மதிப்பின் படி அல்ல//

இந்தியாவில் சந்தை மதிப்பின்படி கூலி குறைவு. அமெரிக்காவில் சந்தை மதிப்பின்படி கூலி அதிகம். பொருளின் (சேவையின்) மதிப்பு மாறாமல் இருக்கிறது. அப்படி கூலியைப் பொறுத்து பொருளின் மதிப்பு மாறினால், இந்தியாவில் குறைந்த சம்பளத்தில் வேலை வாங்கும் போது விற்கும் விலையும் குறைந்து லாபம் குறைந்து விடுமே!

தியாகு :

/இந்தியாவில் சந்தை மதிப்பின்படி கூலி குறைவு. அமெரிக்காவில் சந்தை மதிப்பின்படி கூலி அதிகம். பொருளின் (சேவையின்) மதிப்பு மாறாமல் இருக்கிறது//

இந்தியாவிலும் அமெரிக்காவிலும் ஒரே கூலி மதிப்பாய் இருந்தால் தான் சந்தை மதிப்பு மாறாமல் இருக்கிறது என்று பொருள்

இத்துடன் சிவக்குமார் அடுத்து விவாத்த்தை நகர்த்த வில்லை என்பதால் இத்துடன் முடிக்கிறேன் .

கூடங்குளம் அணுஉலை எதிர்ப்புப் போராட்டம்: ஒரு ஆய்வு

2012-01-14T03:28:00.004+05:30

மிக முக்கியமான ஆய்வு கட்டுரை என்பதால் இந்த கட்டுரையை இங்கு இடுகிறேன் முக்கியமான சமயத்தில் வந்துள்ள கட்டுரை மற்றும் மார்க்சிய ஆய்வு கட்டுரை இது என கருதுகிறேன் தோழர்களுக்கு எனது நன்றிகள்

மாற்றுகருத்து இந்தமாத வெளியீடு:
---------------------------------------------------------------------------------

கூடங்குளம் அணுமின் நிலையப் பிரச்னை தற்போது ஒரு முக்கியத் திருப்பத்தை எட்டியுள்ளது. அதனை எதிர்த்த போராட்டம் எந்த வகையான எதிர்ப்பும் இன்றி அவ்வட்டாரத்தைச் சேர்ந்த பல கிராம மக்களின் ஆதரவுடன் நடைபெற்றுக் கொண்டிருந்த நிலை மாறி தற்போது அதற்கு ஆதரவு இயக்கம் என்ற பெயரில் ஒரு இயக்கமும் சில மாவட்டங்களைச் சேர்ந்த தொழில் அதிபர்களின் கூட்டத்தில் முடிவெடுக்கப்பட்டது என்ற பெயரில் அணுமின் நிலையம் உடனடியாகத் துவக்கப்பட வேண்டும் என்ற கோரிக்கைக் குரலும் ஒலிக்கத் தொடங்கியுள்ளன.

அணுஉலையை எதிர்த்த போராட்டத்திற்கான ஆதரவு மேத்தா பட்கர், அருந்ததிராய் அது தவிர ஓய்வு பெற்ற அணு விஞ்ஞானிகள் சிலர் போன்றோரிடமிருந்து முதலில் வந்தது. அப்போதெல்லாம் அணுஉலைக்கான ஆதரவுக் குரல்கள் அந்த அணுமின் நிலையத்தைச் சேர்ந்த இயக்குனர் மற்றும் அதிகாரிகளிடமிருந்தே வந்து கொண்டிருந்தன. தற்போது அனைவராலும் அறியப்பட்ட விஞ்ஞானியும் நமது முன்னாள் குடியரசுத் தலைவருமான அப்துல் கலாம் போன்றவர்களிடமிருந்தும் அணுஉலைக்கு ஆதரவான குரல்கள் வரத் தொடங்கியுள்ளன.

ஃபிரண்ட்லைன் கட்டுரையும், ஹிந்து தலையங்கமும்
அணுஉலைக்கு எதிரான போராட்டம் பெரிய எதிர்ப்பேதுமின்றி நடந்து கொண்டிருந்த வேளையிலும் கூட ஃபிரன்ட் லைன் பத்திரிக்கையில் இருந்து அந்த அணுஉலை குறித்தும் அதில் பயன்படுத்தப்படும் முன்னேறிய தொழில் நுட்பம் குறித்தும் கட்டுரை ஒன்று வந்தது. அதைத் தொடர்ந்து ஹிந்து பத்திரிக்கையில் ஒரு தலையங்கம் அப்போராட்டம் குறித்து வந்தது.
அதில் மக்களின் நியாயமான அச்சம் போக்கப்பட்டு அவர்களிடையே அணுஉலை குறித்து ஒரு நம்பிக்கையை ஏற்படுத்தும் விதமாக நடவடிக்கைகள் மேற்கொள்ளப்பட வேண்டும்; போராட்டத்தில் உள்ளவர்களை இரண்டு விதமாகப் பிரித்து அதில் கோட்பாடு ரீதியாகவே அணுஉலைகளுக்கு எதிராக நிலையயடுத்துச் செயல்படக் கூடியவர்களை அடையாளம் கண்டு தனிமைப்படுத்தி அவர்களை ஒரு விதத்திலும் அச்ச உணர்வில் அணுஉலை வேண்டாம் என்று கூறும் சாதாரண மக்களை வேறொரு விதத்திலும் அணுக வேண்டும் என்று அரசிற்கு அறிவுரை கூறப்பட்டது.

அதன் பின்னரே அப்துல் கலாம் அவர்களின் இரண்டு பக்கக் கட்டுரை ஹிந்து நாளிதழில் வெளிவந்தது. இந்தப் பின்னணியில் அணுஉலை எதிர்ப்பாளர் தரப்பிலிருந்தும் ஹிந்து நாளிதழின் நடுப்பக்கத்தில் கட்டுரை ஒன்று வெளிவந்தது.

எதிர்ப்பு இயக்கத்தின் தோற்றம். இயக்கம் மீண்டும் வலுப்பெறக் காரணம் :
-----------------------------------------------------------------------------------
இந்த அணுஉலைக்கான அடிக்கல் 1988‡ம் ஆண்டில் அப்போதைய பாரதப் பிரமராக இருந்த ராஜீவ் காந்தியும் ர´ய அதிபராக இருந்த கோர்ப்பசேவும் செய்து கொண்ட ஒப்பந்தத்தின் அடிப்படையில் நாட்டப்பட்டது.
ஆனால் அப்போதே அதற்கான எதிர்ப்புக் குரல் மீனவர் மத்தியிலிருந்து எழுந்தது. இந்த அணுஉலை தங்களது வாழ்வாதாரத்தைப் பாதிக்கும் என்ற அச்ச உணர்வு அவர்களிடையே எழுந்த நிலையில் அதனைப் பிரதிபலிக்கும் விதத்தில் ஆன்டன் கோமஸ் என்பவரால் 88ஆம் ஆண்டிலேயே அணுஉலை எதிர்ப்புக் கண்டனப் பொதுக்கூட்டம் ஒன்று தூத்துக்குடி நகரில் நடைபெற்றது.

அக்கூட்டத்தில் ஜார்ஜ் பெர்னான்டஸ் போன்ற தலைவர்கள் கலந்து கொண்டனர்.
அதன்பின் ர´யாவின் அரசியல் அரங்கில் தோன்றிய பல்வேறு வளர்ச்சிப் போக்குகளின் காரணமாக இந்த ஒப்பந்தம் முன்னெடுக்கப் படாமல் கிடப்பில் போடப்பட்டது. அதன் பின் பல ஆண்டுகள் கழித்து முடங்கிக்கிடந்த அல்லது ஆமை வேகத்தில் நடைபெற்றுக் கொண்டிருந்த அணுஉலைக் கட்டுமானப் பணிகள் துரித கதியில் சில ஆண்டுகளுக்கு முன்பு தொடங்கப்பட்டது.

இந்த ஆண்டு டிசம்பர் மாதம் திட்டமிடப் பட்டிருந்த 2 அணுஉலைகளில் ஒன்று இயங்குவதாக இருந்தது. அதையொட்டிப் பயிற்சி ஓட்டம் என்ற வகையைச் சேர்ந்த ஓட்டங்களும் அந்தப் பின்னணியில் அணுஉலையில் விபத்து நேர்ந்தால் மக்களின் பாதுகாப்பு எப்படி பராமரிக்கப்பட வேண்டும் என்பதை வெளிப்படுத்தும் செயல்முறை விளக்கப் பயிற்சி ஒன்றும் ஆலையை ஒட்டி நடத்தப்பட்டது.

ஜப்பானின் ஃபுக்குசிமாவில் அமைந்திருந்த அணுஉலை சுனாமியினால் சேதமடைந்ததன் பின்னணியில் கூடங்குளம் வட்டார மக்கள் ஏற்கனவே பீதியில் ஆழ்ந்திருந்தனர். அந்நிலையில் அணுமின் நிலைய நிர்வாகிகள் ஏற்பாடு செய்த இந்த செயல்முறை விளக்கப் பயிற்சி அணுஉலையினால் மிகப் பெரிய ஆபத்துக்கள் உள்ளன என்ற மனநிலையை அவ்வட்டார மக்களிடையே இன்னும் கூடுதலாக ஏற்படுத்தியது.

வட்டார மக்களின் ஆதரவு:
-----------------------------------------------
ஆரம்பத்தில் முக்கியமாக என்.ஜி.ஓ‡க்களால் நடத்தப்பட்ட இந்த அணுஉலை எதிர்ப்பு இயக்கம் அதன் பின்னர் உள்ளூர் மக்களின் வற்புறுத்தலால் கிறிஸ்தவ தேவாலயங்களாலும் கையிலெடுக்கப்பட்டது. அவ்வட்டார மக்களின் குரல் தமிழகம் முழுவதையும் எட்டியது.

பெரிய அரசியல் கட்சிகள் என்று கருதப்படக் கூடிய கட்சிகள் எவையும் இந்த இயக்கத்திற்கான ஆதரவினை இயக்கம் ஆரம்பித்த உடனேயே அறிவிக்கவில்லை. அதன் பின்னர் ஒருசில கட்சிகளின் ஆதரவு இவ்வியக்கத்திற்குக் கிட்டியது. அதுவும் அப்போது நடைபெறவிருந்த உள்ளாட்சித் தேர்தல் பின்னணியில் ஏற்பட்டதே.

தற்போது இந்த இயக்கத்தை என்.ஜி.ஓ‡க்கள், தேவாலயங்கள் மூலமாக கிறிஸ்தவ மக்கள், இவ்வட்டாரத்தைச் சேர்ந்த மக்களில் மிகப்பெரும் பகுதியினர், ம.தி.மு.க., அது தவிர இதனை அதிதீவிர இடதுசாரிக் கட்சிகள் மற்றும் தமிழ் இனவாத அமைப்புகள் என்று அறியப்படும் அமைப்புகள் ஆகியவை ஆதரிக்கின்றன.

இக்கட்சிகளும் இவற்றின் ஆதரவாளர்களும் இயக்கத்திற்கு ஆதரவாக முன்வைக்கும் வாதங்கள் பல விதமாக உள்ளன.

அணு சம்பந்தப்பட்ட எந்த விடயமுமே வேண்டாம் என்ற தன்னார்வ அமைப்புகளின் கருத்து ஒருபுறம்; மற்றொரு புறம் தமிழ் மக்களைப் பாதிக்கச் செய்ய வேண்டும் என்பதற்காகவே இந்த உலையை இங்கு நிறுவியுள்ளனர் என்ற தமிழார்வ அமைப்புகளின் கருத்து.

ஒட்டுமொத்தத்தில் இந்த அணுஉலை மூடப்பட வேண்டும் என்பதே போராட்டக்காரர்களால் இதுவரை ஒரே கருத்தாக முன்வைக்கப்படுகிறது.

அணுஉலை ஆதரவு இயக்கம் என்ற பெயரில் கிளறிவிடப்படும் வகுப்புவாதம்
அணுஉலைக்கு ஆதரவாக என்ற பெயரில் உருவாகிவரும் அமைப்பு முக்கியமாக மதவாதப் போக்குகளைக் கிளப்பிவிடும் வேலையைச் செய்கிறது.
அதாவது இந்த இயக்கத்தின் பங்கேற்பாளர்கள்

பெரும்பாலும் அவ்வட்டார மீனவ சமூகத்தைச் சேர்ந்த கிறிஸ்தவ மக்களாக இருப்பதால் அவர்களுக்கு எதிரான ஒரு மனநிலையை எப்பாடுபட்டும் உருவாக்க இந்த அமைப்பினர் முயல்கின்றனர்.

அதாவது மக்களிடம் கருத்துக்களைப் பொறுமையாகக் கொண்டு செல்லாமல் மத அடிப்படையில் முரண்பாட்டைத் தோற்றுவிக்கும் வகையில் அவர்களுடைய நடவடிக்கைகள் உள்ளன. இதன் பின்னணியில் பி.ஜே.பி‡யினரும் காங்கிரஸ் கட்சியினரும் உள்ளனர்.

மாநில அரசின் மறைமுக ஆதரவு:
----------------------------------------------------------
தமிழக அரசைப் பொறுத்தவரையில் முதலில் அதன் மின்துறை அமைச்சர் திரு. விஸ்வநாதன் இப்போராட்டம் தவறானது எனக் கூறினார். அதன் பின்னர் திடீரென்று தமிழக முதல்வர் அவர்கள் மத்திய அரசு இப்பிரச்னையில் தலையிட்டு அங்குள்ள மக்களின் அச்சத்தைப் போக்குவதற்கான எந்த நடவடிக்கையும் எடுக்காததை எதிர்த்துத் தன் கருத்தை முன்வைத்ததோடு பிரதமரோ மத்திய அமைச்சர்கள் யாருமோ போராடும் மக்களைச் சந்தித்து பேச முன்வராததைக் கண்டிக்கவும் செய்தார். அதன் பின் விஸ்வநாதன் அது குறித்துப் பேச்சும் விடவில்லை; மூச்சும் விடவில்லை.

அத்துடன் மக்களின் அச்சம் போக்கப்படாத வரை இந்த உலை இயங்க அனுமதிக்கப்படக் கூடாது என்ற கருத்தையும் முதல்வர் வெளியிட்டார்.
அவருடைய இந்த நிலைபாடு போராட்டத்தில் ஈடுபட்டிருந்த மக்களுக்கு ஒரு துணிவினைத் தந்தது. மாநில காவல்துறை இப்போராட்டத்தைக் கண்டுகொள்ளாது பெருமளவிற்கு நடுநிலையாகவே இருந்தது.

காவல்துறையினரின் ஒருதலைப்பட்சமான ஆதரவு தங்களுக்கு இல்லை என்பதைப் புரிந்து கொண்ட அணுஉலை நிர்வாகத்தினர் ஆலையில் வேலை செய்த வெளி மாநிலத்தினர் பலரை மக்கள் இயக்கம் அவர்களுக்கு எதிராகத் திரும்பக் கூடும் என்ற அச்சத்தில் அவர்களுடைய மாநிலங்களுக்குத் திருப்பி அனுப்பினர்.

அத்துடன் மாநிலக் காவல்துறையின் ஆதரவு இல்லாததால் தாங்களும் அணுஉலை உள்ள இடத்திற்குச் செல்ல முடியாத நிலையில் இருக்கிறோம் என்று கூக்குரல் இடத் தொடங்கினர்.

ஏற்கனவே அச்சத்தின் விளிம்பில் இருக்கும் மக்களை இன்னும் பீதியடையச் செய்யும் விதத்தில் ஆலையின் தற்போதைய இயக்குனர் ஸ்ரீகுமார் பானர்ஜி அவர்கள் ஆலை இவ்வாறு பராமரிக்கப் படாதிருந்தால் அதுவும் ஆபத்தைத் தோற்றுவிக்கும் என்றொரு கருத்தினையும் முன்வைத்தார்.

இந்நிலையில் மத்திய அமைச்சர் திரு. நாராயணசாமி மத்திய அரசு போராட்டக் காரர்களுடன் கலந்து பேசி இப்பிரச்னையை முடிவுக்குக் கொண்டு வருவதற்கு ஒரு நிபுணர் குழுவை அமைத்திருப்பதாகவும், அந்த நிபுணர் குழு மாநில அரசு மற்றும் போராட்டக் குழுவினர் தரப்பிலிருந்து நியமிக்கப்படும் குழுவினருடன் பேச்சுவார்த்தை நடத்தும் என்றும் அறிவித்தார். அத்துடன் நிற்காமல் அதைத் தாண்டி திடீரென இந்த இயக்கத்தை நடத்துவதற்கு போராட்டக் காரர்களுக்கு அந்நிய நாடுகளில் இருந்து நிதி வருவதாகத் தகவல் வந்துள்ளது என்றும் அதனை மத்திய அரசு பரிசீலித்துக் கொண்டிருக்கிறது என்றும் ஒரு குண்டைத் தூக்கிப் போட்டு போராட்டக் காரர்களின் கோபத்தை இன்னும் தூண்டிவிட்டார்.

அன்னிய நிதி அவதூறு:
-----------------------------------------
உண்மையிலேயே சில வியங்கள் துரதிஷ்ட வசமானவைதான். அகில இந்தியக் கட்சியான காங்கிரஸ் கட்சிக்குத் தமிழ்நாட்டில் ஆதரவு இல்லை. ஆனால் அதற்கு ஓரளவு ஆதரவும் அமைப்பும் உள்ள இடம் கன்னியாகுமரி மாவட்டம்.

ஆனால் அங்கும் கூட அதன் தொண்டர்கள் தற்போது நடைபெற்றுக் கொண்டுள்ள இயக்கங்களை யார் நடத்துகிறார்கள்? அது நடைபெறக் காரணமாக உள்ளது எது என்பனவற்றைத் தெரிந்தவர்களாக இல்லை.

இதையே அமைச்சர் நாராயணசாமியின் அன்னிய நிதி குறித்த கூற்று வெளிப்படுத்துகிறது.
இந்த இயக்கத்தில் அந்நிய சக்திகளின் தூண்டுதல் எதுவும் இல்லை என்பது அவ்வட்டார மக்களுக்கு நன்கு தெரியும். முக்கியமாக அவ்வட்டார மக்களின் அச்ச உணர்வே இந்த இயக்கம் வலுவுடன் நடைபெற்றுக் கொண்டிருப்பதற்குக் காரணம்.

இவ்வியத்தில் தொலைநோக்குப் பார்வை மருந்துக்குக்கூட இல்லாமல் செயல்பட்டுள்ளது அரசாங்கம்தான். அதுதான் சுனாமியினால் பாதிக்கப்பட்ட மக்களுக்கான வீடுகளை ஆலையிலிருந்து கூப்பிடும் தொலைவில் அமைத்துள்ளது.
ஆனால் ஆலையில் வேலை செய்யும் அலுவலர்களுக்கான குடியிருப்புகளோ குறைந்த பட்சம் 15 கிலோமீட்டர் தள்ளி அமைந்துள்ளன.
இப்படிப்பட்ட முன்யோசனையில்லாத ஒரு நிலையினை அரசு எப்படி எடுத்தது என்பது ஆச்சரியம் விளைவிப்பதாக உள்ளது. உலகின் வேறெந்த நாட்டிலும் இப்படிப்பட்ட சூழ்நிலையை நினைத்துப் பார்க்கவே முடியாது.

இந்நிலையில் அந்நிய நிதி ஆதாரங்கள் வருகின்றன என்று கூறுவதெல்லாம் அதீத தேசிய வெறிவாதத்தைத் தூண்டி வகுப்புவாத சக்திகளின் கரங்களை வலிமைப்படுத்துவதைத் தவிர வேறெதையும் செய்யாது.

எந்த விசயத்திலும் பொறுப்பற்ற விதத்தில் அரசியல் செய்து அதில் ஆதாயம் பெற நினைக்கும் அவலட்சணப் போக்கு ஆளும்கட்சி, எதிர்க்கட்சி என்ற பாகுபாடுடின்றி அனைத்துக் கட்சியினரையும் கவ்விக் கொண்டுள்ளதையே இது காட்டுகிறது.

ஏற்கனவே மண்டைக்காடு சம்பவத்தினால் கன்னியாகுமரி மாவட்டத்தில் மீனவ மற்றும் இதரப்பகுதி மக்களுக்கு இடையில் ஏற்பட்ட மோதலும் அதனால் ஏற்பட்ட வடுக்களும் மாறாதிருக்கக் கூடிய சூழ்நிலையில் இப்படியயாரு கருத்தை முன்வைத்து வகுப்புவாத சக்திகள் எழுப்பிவரும் வகுப்புவாத நெருப்பினைத் தூண்டுவதாக திரு நாராயணசாமி அவர்களின் அந்நிய நிதி என்ற வாதம் அமைந்துள்ளது.

தமிழக அரசும் முன்பு அது காட்டியது போன்ற இந்த இயக்கத்திற்கான ஆதரவுப் போக்கினை தற்போது காட்டவில்லை. அதன் போக்கில் சில குறிப்பிடத்தக்க மாற்றங்கள் உள்ளன.

அதாவது காவல்துறை முன்பு கடைப்பிடித்து வந்த ஒப்பு நோக்குமிடத்திலான நடுநிலைத் தன்மையைக் கைவிட்டுத் தற்போது அந்த இயக்கத்தை ஆதரிக்கும் தேவாலயக் குருமார்கள் மீது வழக்குகளை பதிவு செய்வது போன்ற வேலைகளைச் செய்து கொண்டுள்ளது.

அதாவது மத நிறுவனங்கள் இதுபோன்ற கிளர்ச்சிகளை தூண்டுவனவாக இருக்கக் கூடாது என்ற அடிப்படையிலும் இடிந்தகரையில் நடைபெறும் தொடர் உண்ணாவிரதப் போராட்டங்கள் காவல்துறையின் அனுமதி இல்லாமல் நடத்தப்படுபவை என்ற அடிப்படையிலும் அவ்வியக்கத்தில் ஈடுபடுவோர் மீது வழக்குகள் பதிவு செய்யப்படுகின்றன.

இந்நிலையில் வேறொரு வளர்ச்சிப் போக்கும் உருவாகியுள்ளது. இப்போராட்டக் குழு மத்தியிலிருந்து அனுப்பப்படும் நிபுணர் குழுவுடன் பேச்சுவார்த்தை நடத்துவதற்காக நியமித்த 5பேர் கொண்ட தமிழக அரசின் சார்பிலான குழுவில் ஒரு உறுப்பினராக நியமிக்கப்பட்ட பிப் ஒருவர் அக்குழுவில் தான் இடம் பெற விரும்பவில்ç; ஏனெனில் எனக்கு அணுவிஞ்ஞானம் அவ்வளவாகத் தெரியாது என்று கூறி அதிலிருந்து விலகியுள்ளார்.

இந்நிலையில் இந்த அணுஉலை குறித்த அனைத்துக் கேள்விகளையும் இப்பின்னணியில் அலசி ஆராய்வது நமக்கு மிகவும் அவசியமாகும். போராட்டக் குழுவின் ஒரு பகுதியினர் கூறுவது போல் அணு விஞ்ஞானமே சமூகத்திற்கு ஒத்துவராதது என்ற கேள்வியில் தொடங்கி இது சார்ந்த பல கேள்விகளை சீர்தூக்கிப் பார்த்து சரியான முடிவுகளுக்கு வருவது இன்றைய நிலையின் அவசர அவசியமாகும்.

டி.டி. கொசாம்பியின் கருத்து:
---------------------------------------------------

அணுசக்தி மூலம் எரிபொருள் தயாரிப்பது அதிக செலவிற்கு வழிவகுக்கக் கூடியது. அதைக் காட்டிலும் நமது நாட்டைப் போன்ற வெப்ப நாடுகளில் சூரிய வெப்பம், காற்று ஆகியவற்றின் மூலம் அதிகப் பாதிப்பில்லாத வகையில் எரிபொருளை உருவாக்கலாம் என்பது அணுசக்தி எதிர்ப்பாளர்களின் ஒரு முக்கிய வாதமாகும். உண்மைதான், ஆண்டில் 80 சதவீத நாட்கள் சூரிய ஒளி குறைவின்றிக் கிடைக்கும் நமது நாட்டில் அது கட்டாயம் பரிசீலக்கப்பட வேண்டியதொரு கருத்தே.

ஆனால் சூரிய வெப்பம் மற்றும் காற்று மூலம் பெறப்படும் சக்தி நமதுத் தேவைக்குகந்த விதத்தில் தேவைப்படும் போதெல்லாம் கிட்ட வல்லதல்ல. சூரிய வெப்பம் மூலம் பெருமளவு மின்சாரம் தயாரிக்க மிக அதிகம் செலவிட வேண்டியிருக்கும்; இதன்மூலம் கிடைக்கும் சக்தியைச் சேமித்து வைக்கவும் மிக அதிகம் செலவாகும்; தேவையான மின்சாரத்தைத் தடையின்றிப் பெற இந்தவகை உற்பத்தி பலனளிக்காது என்பவை எதிர்த்தரப்பு விஞ்ஞானிகளின் வாதமாகும்.
தலைசிறந்த மார்க்சிய அறிஞரும் விஞ்ஞானியுமான டி.டி.கொசாம்பி அவர்களும் கூட சூரிய வெப்பம் மூலம் மின்சாரம் உற்பத்தி செய்வதே தலைசிறந்தது என்ற கருத்தை முன்வைக்கிறார்கள்.

ஆனால் அவர் இக்கருத்தை முன்வைத்தது 60‡களில் ஆகும். அக்காலகட்டத்தில் அவர் மத்தியத்துவப் படுத்தப்பட்ட தொழில் மயமாக்கும் போக்குகளுக்குப் பதிலாக மத்தியத்துவப் படுத்தப்படாத கிராமங்களை மையமாகக் கொண்ட இந்தியாவை தனது மனக்கண்ணில் நிறுத்திப் பார்த்து சூரிய வெப்பம் மூலம் மின்சாரம் உற்பத்தி செய்வதே நமது நாட்டிற்கு உகந்தது என்ற முடிவுக்கு வந்தார்.

அதாவது சூரிய வெப்பம் மூலமாகக் கிடைக்கும் எரிசக்தியை சேமித்து வைத்து அக்கிராமப்புற மக்களின் பொருட் தேவைகளை நிறைவேற்றவல்ல தொழிற்சாலைகளுக்குப் பயன்படுத்தி அதன்மூலம் சுயதேவைப் பூர்த்திப் பொருளாதாரத்தை பராமரிப்பது என்பது அவரது கருத்தாக இருந்தது.
ஆனால் கம்யூனிஸ்ட்களாகிய நாம் வாழ்ந்து கொண்டிருக்கக் கூடிய இந்த சமூக அமைப்பை எவ்வாறு மாற்ற வேண்டும் என்று சிந்திக்க வேண்டுமே தவிர தற்போது நம் கண்முன் இல்லாத ஒரு சூழலை நமது மனதில் நிறுத்திப் பார்க்கக் கூடாது.

அதன் பொருள் டி.டி.கொசாம்பி அவர்கள் அவ்வாறு பார்த்தார் என்று கூறுவதல்ல. அவர் இக்கருத்தை முன்வைத்த காலகட்டத்தைத் தாண்டி நமது பொருளாதாரமும் அதற்கு அடித்தளமாக இருக்கும் தொழிற்சாலைகளும் தற்போது மிகவும் மத்தியத்துவப் படுத்தப்பட்டவையாக ஆகிவிட்டன.

அதாவது உள்ளூர் மக்களின் அல்லது அதையும் தாண்டி உள்நாட்டு மக்களின் தேவைக்கான பொருள்களை உற்பத்தி செய்வது என்ற நிலையைத் தாண்டி இப்போது உலக மக்களின் தேவைக்கான பொருட்களை உற்பத்தி செய்பவையாக அனைத்து நாடுகளின் பொருளாதாரங் களும் தொழிற்சாலைகளும் மாறியுள்ளன.
வளர்ந்து வரும் எரிபொருள் தேவை
அப்படிப்பட்ட மாற்றத்தில் இந்தியா, பிரேசில், சீனா போன்ற நாடுகள் மிகவும் முன்னணியில் உள்ளன. அதனை மையமாகக் கொண்டே குறிப்பாக உலகமயத்திற்குப் பின்பே நமது எரிபொருள் தேவை மிகவும் அதிகரித்திருக்கிறது.

இவ்வாறு கூடுதலாகியுள்ள தேவையை நிறைவேற்றவும் மத்தியத்துவப் படுத்தப்பட்டுள்ள பெரிய தொழிற்சாலைகளுக்கான எரிபொருளை வழங்கவும் சூரிய வெப்பம் மூலம் பெறப்படும் மின்சாரம் எவ்வளவு தூரம் போதுமானதாக இருக்கும் என்பது இன்று எழக்கூடிய ஒரு முக்கியக் கேள்வியாகும்.

மேலை நாடுகள் அணுஉலைகளை மூடுவதன் பின்னணி :
---------------------------------------------------------------------
இதுகுறித்து முன்வைக்கப்படும் இன்னொரு வாதம் ஃபுக்குசிமா நிகழ்விற்குப் பின்பு உலக நாடுகள் அனைத்துமே அணுமின் நிலையங்களைத் தொடர்ந்து நடத்துவதை மறுபரிசீலனை செய்யத் தொடங்கியுள்ளன; பெல்ஜியம் தனது நாட்டின் அணுஉலைகளை மூடப் போவதாக அறிவித்துள்ளது; ஜெர்மனியும் அதையே செய்யப் போகிறது; அவ்வாறிருக்கையில் நாம் மட்டும் அணுசக்தியை நோக்கிச் செல்ல வேண்டியதன் அவசியம் என்ன என்பதாகும்.

இந்தக் கேள்வியை எழுப்புபவர்களில் கம்யூனிஸ்ட்கள் என்று தங்களைக் கூறிக் கொள்ளக் கூடியவர்களும் இருக்கிறார்கள். இவர்கள் கூறக்கூடிய பெல்ஜியம், ஜெர்மனி போன்ற நாடுகள் அனைத்தும் ஊரறிந்த உலகறிந்த முதலாளித்துவ நாடுகள். இவை அணுமின் நிலையங்களை உருவாக்கிய போதே அதிலுள்ள எதிர்மறை அம்சங்களை அறிந்திருந்தன. அணுசக்திக் கழிவிலிருந்து வெளிவரும் கதிரியக்கம் பலகாலம் நீடிக்கக் கூடியது; உடல் நலனுக்கு ஊறு விளைவிக்கக் கூடியது என்பதையயல்லாம் தெரிந்தே தான் இவர்கள் அணுசக்தி நிலையங்களைத் தங்கள் நாடுகளில் உருவாக்கினர்.

அதற்குப் பின் செர்னோபில்லில் ஒரு பெரும் விபத்து நடந்த சூழ்நிலையிலும் கூட இவர்கள் தங்கள் நாட்டிலுள்ள அணு உலைகளை மூடத் தீர்மானிக்கவில்லை.
செர்னோபில் விபத்தைக் காட்டிலும் ஃபுக்குசிமாவில் சுனாமி காரணமாக நடந்த விபத்து பெரியதல்ல. இருந்தும் இப்போது இவர்கள் திடீரென்று அணு உலைகளை மூடப் போவதாகக் கூறுவதற்கான காரணம் என்ன என்பதை நாம் பார்க்க வேண்டும். இல்லாவிடில் தற்போது அவை அணு உலைகளை மூடப் போவதாக எடுத்துள்ள முடிவுகளை வைத்து இந்த முதலாளித்துவ அரசுகள் தங்களது எரிபொருள் தேவையைப் புறக்கணித்துக் கூட மக்கள் நலனைப் பாதுகாக்கும் தன்மை கொண்டவை என்று இந்த அரசுகளுக்கு சான்றிதழ் வழங்குபவர்களாக நாம் ஆகிவிடுவோம்.
உண்மையில் இப்போது உருவாக்கப்பட்ட ஆலைகளை மூடும் அளவிற்கு மனித நலனில் அக்கறை உள்ளது போல் காட்டும் இவர்கள் அணுசக்தியின் எதிர்மறை விளைவுகளை அறிந்திருந்தும் முதலில் அணுசக்தி நிலையங்களைஉருவாக்கியது ஏன்? தற்போது அவற்றை மூடப் போவதாக அறிவிப்பதும் ஏன்?
என்பதை நாம் ஆழ்ந்து சிந்திக்க வேண்டும்

அவ்வாறு சிந்தித்துப் பார்த்தால் ஒரு விசயத்தை நாம் தெளிவாக அறிந்து கொள்ள முடியும். அதாவது மேற்கத்திய உலகம் முழுவதுமே தற்போது முன்னெப்போதும் கண்டிராத ஒரு கடுமையான உற்பத்தித் தேக்க நெருக்கடியில் உள்ளது; அதில் உள்ளடங்கிய நாடுகளின் வளர்ச்சி விகிதங்கள் ஒரு சதவிகிதம் ஒன்றரை சதவிகிதம் என்ற அளவிற்கே உள்ளன; அந்த அளவிற்கு அவற்றின் எரிபொருள் தேவையும் குறைந்துள்ளது. ஒரு சமயம் உலகச் சந்தையை இலக்காகக் கொண்டு உற்பத்தி நடத்திய மேலைநாட்டு முதலாளித்துவத்திற்கு எரிபொருள் தேவை மிக அதிகமாக இருந்தது. அதனால் அணுசக்தியை நோக்கியும் அது மிக வேகமாகச் சென்றது.

தற்போது இந்தியா போன்ற நாடுகளில் குறைந்த விலைக்குக் கிடைக்கும் உழைப்புத் திறனைப் பயன்படுத்தி அதிகபட்ச லாபம் ஈட்டும் வாய்ப்பு அந்நாட்டு முதலாளிகளுக்கு ஏற்பட்டுள்ளதால் அவர்கள் தங்களது தொழில்களை இதுபோன்ற நாடுகளுக்கு திருப்பிவிடத் தொடங்கியுள்ளனர்.
அதனால்தான் இந்நாடுகளில் பல தொழில்களுக்கு மூடுவிழா நடத்தப்படும் போது நமது ஆட்சியாளர்கள் சிறப்புப் பொருளாதார மண்டலங்களை ஏற்படுத்துவதில் சிரத்தையயடுத்துக் கொண்டுள்ளனர்.
இந்தப் பின்னணியில் தங்கள் நாடுகளின் குறைந்துள்ள தற்போதைய எரிபொருள் தேவைகளுக்கு போதுமான விதத்தில் அதிகச்செலவற்ற மின்சாரமே கிடைக்கும் போது கூடுதல் செலவில் தயாரிக்கப்படும் அணு மின்சாரம் தேவையில்லை என்ற எண்ணத்திற்கு அவர்கள் வந்துள்ளனர்.

முதலாளித்துவம் கொடுமையானது
அந்தப் பின்னணியில் தான் ஏதோ மக்களின் ஆரோக்கியத்தில் தீடீர் அக்கறை கொண்டுவிட்டவர்களைப் போல் அந்நாடுகளின் ஆட்சியாளர்கள் அணுமின் நிலையங்களை மூடும் தங்களது விருப்பத்தைத் தெரிவித்துத் தாங்கள் உன்னதமானவர்கள் என்று காட்டிக் கொள்கின்றனர்.
அதாவது அவ்வாறு காட்டுவதற்கு அவர்களுக்குக் கிட்டியுள்ள வாய்ப்பை முழுமையாகப் பயன்படுத்திக் கொண்டுள்ளனர். அதனை வர்க்கப் பார்வையற்றுப் போன இங்குள்ள ‘கம்யூனிஸ்ட்களும்’ புறச் சூழ்நிலைகளை உரிய முறையில் ஆராய்ந்து அறியாது அந்நாடுகளின் ஆட்சியாளர்களுக்குச் சான்றிதழ்கள் வழங்கிக் கொண்டுள்ளனர்.

உண்மையில் அணுசக்தி மற்றும் அதில் உள்பொதிந்துள்ள பல்வேறு எதிர்மறைத் தன்மைகள் ஆகியவற்றைக் காட்டிலும் மிகவும் கொடுமையானது முதலாளித்துவமே. ஏனெனில் அணுசக்தியில் சம்பந்தப்பட்டுள்ளது விஞ்ஞானம் அதில் காணப்படும் கோளாறுகள் அனைத்திற்கும் தீர்வுகாணும் வகையில் ஆராய்ச்சிகளை மேற்கொண்டு நாளடைவில் அவற்றைப் போக்க முடியும் என்பது மனித குலத்திற்குக் கிட்டியுள்ள விஞ்ஞானப்பூர்வ அனுபவம்.
ஆனால் இன்று மனித சமூகத்தின் அனைத்துப் பிரச்னைகளுக்கும் காரணமாக உருவாகி அழுகி நாற்றெமெடுக்கும் நிலைக்கு வந்துவிட்ட முதலாளித்துவத்தைச் சீர்படுத்தியோ அதன் எதிர்மறை அம்சங்களைக் குறைத்தோ சரிசெய்தோ விஞ்ஞானத்தைப் போல் பயன்படுத்தவே முடியாது.

உண்மையில் மனிதகுலத்தைக் காப்பாற்ற வேண்டியது முதலாளித்துவத்தின் கோரப்பிடியில் இருந்துதானே தவிர அணுசக்தியின் கதிரியக்கத்தில் இருந்தல்ல என்பதை யார் உணர்கிறார்களோ உணரவில்லையோ கம்யூனிஸ்ட்கள் என்று தங்களைக் கூறிக் கொள்பவர்கள் உணராமல் இருக்கக் கூடாது.
அவ்வாறு உணராமல் இருந்தால் அதன் பொருள் ஒன்றே ஒன்றுதான் அவர்கள் கம்யூனிஸ்ட்கள் என்று பாவனை காட்டுபவர்கள்; உண்மையான கம்யூனிஸ்ட்கள் அல்ல என்பதுதான்.
இதில் எடுத்துக்கொள்ளப்பட வேண்டிய மற்றொரு அம்சம் மேலை நாடுகள் அனைத்திலும் மக்கள்தொகைப் பெருக்கம் மிகவும் குறைந்துள்ளது. அந்நிலையில் அம்மக்களில் ஒவ்வொருவரும் உபயோகிக்கும் மின்சாரத்தின் அளவு எதிர்காலத்தில் பெரிதாக அதிகரிக்கப் போவதில்லை.
ஆனால் நமது நாட்டின் நிலை அதிலிருந்து பெரிதும் மாறுபட்டது. இங்கு மக்கட்தொகை வளர்ச்சி விகிதம் மேலை நாடுகளில் உள்ளதைப் போல் பல மடங்கு அதிகமாக உள்ளது. மேலும் இன்றைய நிலையில் அதுதான் நமது வலுவாகவும் கருதப்படுகிறது. அதாவது மக்கட்தொகைப் பெருக்கமே மனிதகுலத்தை எதிர்கொண்டுள்ள ஒரு பெரிய பிரச்னை என்று மால்துஸ் என்ற முதலாளித்துவப் பொருளாதார நிபுணரால் முன்வைக்கப்பட்ட கண்ணோட்டம் உலகமயத்திற்குப் பின்பு நமது நாட்டைப் பொறுத்தவரையில் செல்லுபடியாகாததாக ஆகியுள்ளது.

அதாவது இந்தியாவின் வலுவே மிக அதிக எண்ணிக்கையில் இளைஞர்களைக் கொண்ட ஒரு சமூகமாக அது உள்ளது என்பது தான். இதற்கு நேர் மாறாக மேலை நாடுகளைப் பொறுத்தவரையில் முதியவர் மக்கட்தொகையே மிகுந்துள்ளது. அவர்களுக்கு ஓய்வூதியம் எப்படி வழங்குவது என்பதே அந்நாட்டு ஆட்சியாளர்களின் தற்போதைய மிகப்பெரிய பிரச்னையாக உள்ளது.

இந்நிலையில் பெருகி வரும் மக்கட்தொகையின் கூடுதல் மின்சாரத் தேவையையும் கணக்கிலெடுத்துக் கொண்டு நிலை எடுக்க வேண்டியவர்களாக நாம் இருக்கிறோம்.

அறிவைப் புகட்டுவதும் பீதியைக் கிளப்புவதும்
அடுத்ததாக அணுஉலை குறித்து மக்களிடையே பீதியைக் கிளப்பக் கூடாது. அணுசக்தியை உருவாக்குவதன் மூலமாக வெளிவரும் கதிரியக்கம் குறித்து ஒரு பீதியே அணுசக்தி எதிர்ப்பாளர்களால் பெரிதும் தற்போது கிளப்பப்படுகிறது.
அப்துல் கலாம் அவர்கள் தனது கட்டுரையில் கூறியிருப்பது போல் அனல் மின்சாரத்திற்குப் பயன்படுத்தப்படும் நிலக்கரி போன்ற எரிபொருளும் கூட மிகக் கடுமையான எதிர்மறை விளைவுகளைக் கொண்டதுதான்.

அதனால் சுற்றுசூழல் மாசுபடுவதும் விண்வெளியின் ஓசோன் படலம் பாதிக்கப்படுவதும் மிகவும் வெளிப்படையானது. இன்று புற்றுநோய் நமது நாட்டில் மிக அதிகமாக பரவி வருவதற்கும் ஒரு காரணம் ஓசோன் படலம் பாதிக்கப்படுவதால் சூரியனில் இருந்து வெளிவரும் புறஊதாக் கதிர்கள் அப்படியே மக்களைத் தாக்குவதுதான்.
அணு மின்சாரம் தேவையில்லை என்று கூறக் கூடியவர்கள் நிச்சயமாக அனல் மின்சாரம் குறித்து அப்துல் கலாம் போன்றவர்கள் முன்வைத்துள்ள கருத்துக்களுக்கும் பதில் கூற முடிந்தவர்களாக இருக்க வேண்டும். ஆனால் வருந்தத்தகுந்த விதத்தில் அதற்குப் பதில் கூற யாருமே முயலக்கூட இல்லை.
அணுஉலை எதிர்ப்பு விஞ்ஞானிகளின் வாதங்கள்
அப்துல் கலாம் அவர்களின் கட்டுரை வெளிவந்த பின்பு ஹிந்து நாளிதழில் தங்களது கருத்துக்களை முன்வைத்த அணுஉலை எதிர்ப்பு விஞ்ஞானிகள் வேறொரு கருத்தை முன்வைத்தனர்.
அதாவது நாம் விடுதலை பெற்ற காலத்தில் நிர்ணயித்த இலக்குகளுக்கு உகந்த வகையில் அணுசக்தி நிலையங்கள் ஏன் ஏற்படுத்தப்படவில்லை? ஏன் இன்னும் நமது நாட்டின் ஒட்டுமொத்த மின்சாரப் பயன்பாட்டில் அணுமின்சாரத்தின் பங்கு 2.8 சதவிகிதம் என்பதாக மட்டும் உள்ளது என்ற கேள்வியினை அக்கட்டுரையில் அவர்கள் எழுப்பினர்.

அதாவது அதன்மூலம் அணு மின்சாரத்தின் வளர்ச்சி சாத்தியமற்றதாக இருப்பதால் தான் நேரு போன்ற அன்றைய ஆட்சியாளர்கள் நினைத்த விதத்தில் அது நிறைவேறவில்லை என்று அவர்கள் கூற வருகின்றனர்.
ஒரு வகையில் பார்த்தால் இதுபோன்ற கருத்து விஞ்ஞானிகளிடமிருந்து மக்கள் எதிர்பார்க்கும் கருத்தல்ல. இது திட்டமிடுபவர் களால் முன்வைக்கப்பட வேண்டிய தொரு கருத்து.
அதாவது ஜவகர்லால் நேரு ஒருமுறை சக்கரவர்த்தி ராஜாகோபாலாச்சாரி யாரிடம் சீன நாடு அதன் விடுதலைக்கு பின் சாதித்த பிரமிக்கத்தக்க வளர்ச்சியைக் கண்ணுற்ற பின்பு ஒருவகை வேதனையுடன்‡ நாமும் எதை எதையோ செய்து பார்க்கிறோம்; ஆனால் பெரிய மாற்றம் எதையும் நம்மால் கொண்டுவர முடியவில்லையே என்று‡ கூறி ஆதங்கப்பட்டாராம்.

இதை நாம் ஏன் இங்கு முன்வைக்கிறோம் என்றால் நமது திட்டங்களை நாம் வகுக்கும் வேகத்தில் அவை நிறைவேற வேண்டுமென்றால் அதற்கு உகந்த சமூகச் சூழல் இருக்க வேண்டும்.
வெள்ளை ஏகாதிபத்தியத்தின் சுரண்டலில் இருந்து விடுதலை பெற்றவுடன் எத்தனை துரிதமாக தொழில் வளர்ச்சியை எட்ட முடியுமோ அத்தனை துரிதமாக அதனை எட்டுவதற்கு நமது ஆட்சியாளர்கள் குறிப்பாக நேரு போன்றவர்கள் திட்டமிட்டனர்.

ஆனால் அது அமுலாவது ஒரு நேர்கோட்டில் செல்வது போல் அத்தனை சிக்கல் இல்லாததாக இருக்கவில்லை. ஏனெனில் அத்தகைய தொழில் வளர்ச்சியைச் சாதிப்பதற்கு மக்களின் தேவையைக் கணக்கி லெடுத்துக் கொண்டு உற்பத்தியைத் தீர்மானிக்கும் சோசலிச சமூக அமைப்பாக நமது அமைப்பு இருந்திருக்க வேண்டும். ஆனால் அது அவ்வாறு இல்லை. மாறாக மக்களின் வாங்கும் சக்தியைக் கணக்கிலெடுத்துக் கொண்டு உற்பத்தியை நடத்தும் தனியார் முதலாளித்துவமே இங்கு நமது தொழில் மயமாக்கலின் ஒரு உந்து சக்தியாக இருந்தது.
நமது மக்களின் வாங்கும் சக்திக் குறைவின் காரணமாக ஓரளவிற்கு மேல் தொழில் மயமாதல் நமது நாட்டில் வேகமாக நடைபெறவில்லை. அவ்வாறு நடைபெறுவதற்கான சூழ்நிலையைத் தனியார் முதலாளித்துவம் இங்கு உருவாக்கி வைத்திருக்கவில்லை. எனவே தேக்கம் மின் உற்பத்தியில் மட்டுமல்ல கல்வி, பாதுக்காக்கப்பட்ட குடிநீர் வழங்குதல், பொது சுகாதாரம் ஆகிய அனைத்திலுமே இருந்தது. ஒரு சமூகத்தின் தொழில் வளர்ச்சி நீர் மின்சாரம், அனல் மின்சாரம் ஆகியவற்றை முழுமையாகப் பயன்படுத்தும் அளவிற்குக்கூட வளர முடியாத நிலையில் இருந்தால் அது அணு மின்சாரத்தை நோக்கி வேகமாக எவ்வாறு செல்லும்?
அதாவது மின்சாரத்தை நிறையத் தயாரித்து வைத்தால் தொழில்கள் வளரும் என்ற நிலை ஒரு குறிப்பிட்ட அளவிற்கு மக்களின் தேவை அடிப்படையிலான பொருள் உற்பத்தியைத் திட்டமிட்டு நடத்தவல்லதாக இருக்கும் சமூக அமைப்புகளில் மட்டுமே சாத்தியம். எனவே தீர்மானித்த இலக்கை எட்டாததனாலேயே அது சரியான ஒன்றல்ல என்ற வாதம் மிகச் சரியானதல்ல.
நெருக்கமும் சார்பும் ஒன்றல்ல
அதே விஞ்ஞானிகள் தற்போது பல அபாயங்களை உள்ளடக்கியதாக இருக்கக் கூடிய அணு மின்சாரத்தை நோக்கிச் செல்லும் இந்திய அரசு ஈரானிலிருந்து குழாய் மூலமாக இயற்கை எரிவாயுவினை கொண்டுவரும் திட்டத்தைக் கைவிட்டு விட்டது.

அமெரிக்காவுடன் அணு ஒப்பந்தம் ஒன்றினைச் செய்து கொண்டு அதன் விளைவாக அமெரிக்காவிற்குச் சாதகமான நிலை எடுக்க வேண்டும் என்பதற்காக ஈரானுக்கு எதிராக ஐ.ஏ.இ.ஏ. அமைப்பில் வாக்களித்து அந்த வாய்ப்பைப் பாழ்படுத்திவிட்டது என்றும் கூறியுள்ளனர்.

அத்துடன் அதன்மூலம் நமது வெளிநாட்டுக் கொள்கையின் நடுநிலைத் தன்மையையும் அது சீர்குலைத்து விட்டது என்றும் அவர்கள் கூறுகின்றனர்.
இந்த வாதத்தில் விஞ்ஞானிகளால் முன்வைக்கப்படும் இரண்டு கருத்துக்கள் உள்ளடங்கியுள்ளன. ஒன்று ஒரு நாட்டின் வெளிநாட்டுக் கொள்கை அதன் தேவைகளை மையமாக வைத்துக் கடைப்பிடிக்கப்படும் உள்நாட்டுக் கொள்கையிலிருந்து மாறுபட்டதாகவும் இருக்க முடியும் என்ற கருத்து.

மற்றொன்று இந்தியா அடிமைத்தனமாக அமெரிக்க ஆதரவு நிலையைத் தற்போது மேற்கொள்கிறது. அதாவது அணு ஒப்பந்தத்தில் அது கையயழுத்திட்டது அமெரிக்காவின் வற்புறுத்திலின் காரணமாகவே என்பதாகும்.

இந்த இரண்டு கருத்துக்களுமே தத்துவார்த்த ரீதியில் ஆராய்ந்து பார்த்தால் மாறாநிலை தத்துவ அடிப்படையினைக் கொண்டதாகும். அதாவது பொருட்கள் மற்றும் நிகழ்வுகள் ஒன்றொடொன்று தொடர்புடையவை என்பதை அத்தத்துவம் பார்ப்பதில்லை.

அப்படி ஒன்றையயான்று தொடர்பு படுத்திப் பார்க்கும் கம்யூனிஸ்ட்கள் கடைப்பிடிக்க வேண்டிய இயக்கவியல் பார்வையின் மூலம் பார்த்தால் இந்த இரண்டு கருத்துக்களும் எத்தனை கோளாறு உடையவை என்பதை நாம் தெரிந்துகொள்ள முடியும்.
எந்தவொரு நாட்டின் வெளிநாட்டுக் கொள்கையும் அதன் உள்நாட்டுத் தேவையிலிருந்து மாறுபட்டதாக இருக்க முடியாது. உலகில் சோசலிச முகாம், ஏகாதிபத்திய முகாம் என்று இரண்டு முகாம்கள் இருந்த போது நமது நாட்டு முதலாளிகளுக்கு சாதகம் ஏற்படுத்த வல்லதாக நமது நடுநிலைக் கொள்கையும் அதனை வெளிப்படுத்தும் வெளியுறவுக் கொள்கையும் இருந்தன.

தற்போது சோசலிச முகாம் என்று ஒன்று இல்லாமல் போய்விட்ட நிலையில் அது நமது முதலாளிகளுக்குப் பயன்தரத்தக்க கொள்கையல்ல. மேலும் உலகமயத்தின் காரணமாக பொருளாதார ரீதியில் இந்தியா மேலை நாடுகளுடன் ஒப்பிடும் போது பராமரித்துவரும் கூடுதல் வளர்ச்சி விகிதமும் முதலாளித்துவ ரீதியான வளர்ச்சியும் தற்போது ஆசிய நாடுகளை மையம் கொண்டதாக ஆகிவிட்டது. இந்த நிலையில் இந்தியாவைத் தன் பக்கம் வைத்திருக்க வேண்டும் என்பதற்காக வழக்கமாக அமெரிக்கா வலியுறுத்தும் பல்வேறு நிபந்தனைகளை அணு ஒப்பந்தத்தின் போது வலியுறுத்தாமல் அமெரிக்கா இறங்கி வந்தது. அதனால் இறங்கி வந்தது அமெரிக்காவே தவிர இந்தியா அல்ல.
எனவே இதை வளர்ந்த ஏகாதிபத்தியமான அமெரிக்கா, வளர்ந்துவரும் ஏகாதிபத்தியக் கூறுகள் கொண்டதான இந்தியா ஆகிய இரு நாடுகளுக்கிடையிலான நெருக்கம் என்று கூற முடியுமே தவிர, இந்தியாவின் அமெரிக்கச் சார்பு என்று கூற முடியாது.

அமெரிக்கா இறங்கி வந்ததற்கும் காரணம் இல்லாமல் இல்லை. அமெரிக்க முதலாளிகளின் வர்த்தக நலனை மனதிற்கொண்டு செயல்படும் அமெரிக்க அரசு அதன் யுரேனிய, அணுமின் சாதன வர்த்தகத்தை மேம்படுத்தும் கண்ணோட்டத்துடன் அணுசக்தித் தேவை கொண்ட இந்தியாவுடன் அதிகபட்சப் பேரத்திற்குப் பின் அந்த ஒப்பந்தத்தைச் செய்து கொண்டது. அந்த ஒப்பந்தக் காகிதத்தில் இவர்கள் இட்ட கையயழுத்தின் மை உலருமுன்பே பிரான்ஸ் போன்ற வேறு பல நாடுகளோடும் யுரேனியம் வாங்குவதைச் சாத்தியமாக்கும் ஒப்பந்தங்களை இந்திய ஆட்சியாளர்கள் செய்து கொண்டனர்.

இது இந்தியா நடுநிலைத் தன்மையை விட்டுக் கொடுத்து அடிமை சாசனத்தில் கையயழுத்திட்டதையா காட்டுகிறது?
உலகில், சமூகத்தில், பிரபஞ்சத்தில் நடக்கும் அனைத்து மாற்றங்களையும் கணக்கிலெடுக்காமல் பழைய கண்ணோட்டங்களையே நிரந்தரமாக வைத்துக் கொண்டிருப்பவர்களாக நாம் ஆகிவிட்டால் கருத்துக் குருட்டுத்தனம் நம்மைக் கவ்விக் கொண்டுவிடும், அது நாம் நம்மை விஞ்ஞானிகள் என்று அறிவித்துக் கொண்டாலும் கூட நடக்கும்.

தமிழ்த் தன்னார்வ அமைப்புகளின் வாதமான தமிழர்களைப் பாதிக்க வைக்க வேண்டும் என்பதற்காகவே இந்த அணுஉலை இங்கு கொண்டுவரப் பட்டிருக்கிறது என்ற கருத்து பதில் கூறத்தக்க தரம் வாய்ந்ததல்ல. அதனைப் பதில் கூறிக் கெளரவப் படுத்துவதே அபத்தம்.

ஒப்புநோக்குமிடத்து அணுமின் நிலையம் கொண்டு வருவதற்கு ஏற்ற சூழ்நிலைகளைக் கொண்டதாக கூடங்குளம் இருந்தது. அது மட்டுமே அங்கு அணுமின் நிலையம் கொண்டுவரப்பட்டதற்குக் காரணமாக இருக்க முடியுமே தவிர இது தமிழ் நாட்டில் உள்ளது; இதன் பாதிப்புகள் தமிழர்களையே தாக்கும் என்ற தமிழ் விரோத மனநிலையுடன் இத்திட்டம் கொண்டுவரப்பட்டதாகக் கூறுவது அப்பட்டமான அபத்தம்.

இவர்களது தமிழ்வெறி மனநிலை எத்தனை உச்சத்தில் உள்ளது என்பதை மட்டுமே இது வெளிப்படுத்துகிறது. எத்தகைய குருட்டுத்தனமான, அறிவோடு சிறிதும் பொருந்தி வராத வாதங்களையும் தமிழ்நாட்டில் தமிழ் மொழி மற்றும் இனத்தின் பெயரில் வைக்க முடியும் என்ற புது மரபு இவர்களால் உருவாக்கப் பட்டுள்ளதையே இது காட்டுகிறது.
உற்பத்தி சக்திகளின் வளர்ச்சிக்கு எதிரான நிலை கூடாது
மேலும் ஒரு கேள்வி முன்வைக்கப் படுகிறது. அது முதலாளிகளின் நலனுக்காக, அவர்களது எரிபொருள் தேவையை நிறைவேற்ற, மக்கள் நலனைப் புறக்கணித்து இத்திட்டம் கொண்டுவரப் பட்டுள்ளது என்பதாகும்.
உண்மைதான் முதலாளிகளின் தேவைக்காகத் தான் இது கொண்டுவரப் படுகிறது. சமூகம் முதலாளித்துவ சமூகமாக இருக்கும் வரை அவர்களது நலனுக்காகவே அனைத்துத் திட்டங்களும் கொண்டுவரப்படும். அதற்கான தேவை அதிகரிப்பை மையமாக வைத்தே பல காலம் கிடப்பில் போடப்பட்டிருந்த இத்திட்டம் மீண்டும் அதி வேகத்தில் அமுலாக்கப்படவிருக்கிறது.
இந்தத் திட்டம் மட்டுமல்ல அனைத்து வளர்ச்சித் திட்டங்களுமே அந்தத் திசை வழியில் தான் இங்கு செய்யப் படுகின்றன.

அந்நிய மூலதனம் தகவல் தொழில்நுட்பத் துறையில் இன்னும் கூடுதலாக வருவதற்கு வழிவகுப்பதற் காகவே ஹைதராபாத், பெங்களூர், சென்னை இவற்றை இணைக்கும் ஐ.டி. நெடுஞ்சாலைத் திட்டம் அமுலாக்கப்பட்டு அதன் மூலமாக விமான நிலையங்கள், முன்னேறிய சாலை வசதிகள் ஆகியவை ஏற்படுத்தப் பட்டன.
ஏழைகளைப் பொறுத்தவரையில் அவர்களுக்கு இலவசத் திட்டங்கள் மட்டுமே அமுலாக்கப்படுகின்றன.
எனவே இந்த அரசும் திட்டமிடுபவர்களும் ஏதோ நடுநிலைத் தன்மை பொருந்தியவர்கள் என எண்ணிக்கொண்டு முதலாளிகள் நலனுக்காக வரும் திட்டங்கள் அனைத்தையும் நாம் எதிர்க்க வேண்டும் என்ற போக்குடன் இந்த வாதத்தை முன்வைப்போர் பேசுகின்றனர்.

முதலாளித்துவ லாபநோக்க உற்பத்தி முறைக்கு உதவுவதற்காக என்றாலும் மின் உற்பத்திச் சாதனங்கள் உற்பத்தி சக்திகளின் வளர்ச்சிக்கு உதவக் கூடியவை; நெருக்கடி சூழ்ந்த இன்றைய நிலையில் வளர்ந்த முதலாளித்துவ நாடுகள் உற்பத்தி சக்திகளின் வளர்ச்சியை முடக்கவே செய்கின்றன.
ஒரு பிரத்யேக உலகமயச் சூழ்நிலையில் இந்திய முதலாளி வர்க்கம் இத்தகைய உற்பத்தி சக்தியின் வளர்ச்சிக்குச் செல்ல விரும்புகிறது. அவ்வாறு உற்பத்தி சக்தியின் வளர்ச்சிக்கு உதவவல்ல சாதனங்கள் என்ற ரீதியில் கொண்டுவரப்படும் அனைத்து ஆலைகளையும் அமுலாக்கப்படும் உயர்தொழில் நுட்பத்தையும் கம்யூனிஸ்ட் அறிக்கை காலம் தொட்டு மார்க்சிஸ்ட்கள் வரவேற்றே வந்துள்ளனர்.

அதைவிடுத்து பழைய அமைதியான வாழ்க்கைக்குத் திரும்ப வேண்டும் என்ற கோரிக்கையை முன்வைத்துப் போராடுவது கடிகாரத்தின் முள்ளைத் திருப்பி வைக்க முயல்வது போன்ற ஒரு செயலே; அது நடக்காது என்பது மட்டுமல்ல; அது பிற்போக்கானது என்பதையும் கார்ல் மார்க்ஸ் கம்யூனிஸ்ட் அறிக்கையிலேயே முன்வைத்தார்.

காரண காரியம் கடந்த வாதங்கள்:
-------------------------------------------------------
உயிர், உடமைகளுக்கு எத்தகைய அழிவு ஏற்பட்டாலும் பரவாயில்லை என்ற அடிப்படையில் எந்தத் திட்டமும் அமுலாவதில்லை.
முதலாளித்துவம் மனித உயிருக்குக் கொடுக்கும் முக்கியத்துவத்தைக் காட்டிலும் அதன் உடமைகளுக்குக் கொடுக்கும் முக்கியத்துவம் மிக அதிகம்.
இங்குள்ள இடதுசாரிகள் என்று அறியப்படும் அரசியல் கட்சிகள் முதலாளிகள் என்று சொன்னாலே அவர்கள் டாடா, பிர்லா போன்ற பெரு முதலாளிகள் மட்டுமே என்று கருதுகின்றனர்.

அவர்கள் தவிர நாட்டின் அனைத்துப் பகுதிகளிலும் முதலாளிகளும் முதலாளித்துவ உடமைகளும் உள்ளன. ஒரு முதலாளித்துவ அரசு முதலாளித்துவத்தின் ஒட்டுமொத்த நலன் கருதிச் செயல்படக் கூடியதே தவிர அவர்களில் சிலரின் பகுதி நலன்களுக்காக மட்டும் செயல்படக் கூடியதல்ல.
இதை நாம் ஏன் கூறுகிறோம் என்றால் கூடங்குளம் அணுஉலை எந்த நேரமும் அழிவினை ஏற்படுத்தும் தன்மைகளைக் கொண்டதாக இருக்குமானால் அது அவ்வட்டாரத்தில் உள்ள முதலாளித்துவ உடமைகளுக்கும் அழிவினை ஏற்படுத்தவல்லதாகவே இருக்கும்.
ஒட்டுமொத்த முதலாளித்துவ நலனுக்காகச் செயல்படும் ஒரு அரசு அவற்றின் உடைமைகளுக்கு ஊறு விளைவிக்கும் செயலை ஒருபோதும் செய்யாது.
அணுயுத்தம் அச்சுறுத்தலே
அடுத்து முன்வைக்கப்படும் வாதம் இது அணுகுண்டு போன்ற ஆயுதங்களைத் தயாரிப்பதற்காகவே கொண்டுவரப் படுகிறது. அதாவது அணு விசையால் இயக்கப்படும் நீர்மூழ்கிக் கப்பல்களை இயக்குவதற்கே இது நாளாவட்டத்தில் பயன்படக் கூடியதாக ஆகிவிடும் என்பதாகும்.
அதுவும் உண்மைதான். அணுமின் உற்பத்திக்காகப் பயன்படுத்தப்படும் தொழில் நுட்பத்தை அணுகுண்டு தயாரிக்கும் தொழில் நுட்பமாக மாற்றுவதில் பெரிய சிரமம் எதுவும் இல்லை. தன்னைச் சுற்றியுள்ள சிறு நாடுகளின் மேல் மேலாதிக்கம் செலுத்துவதற்காக இந்தியாவிற்கு அணு ஆயுதத் தயாரிப்பு உள்நோக்கமும் உள்ளது.
ஆனால் இதை விமர்சிப்போர் இந்தியா வெளிப்படையாகவே அணுகுண்டு வெடித்த போது அதனை எதிர்க்கவில்லை. மேலும் அளவிற்கு அதிகமாக அணு ஆயுதங்கள் தயாரித்து வைப்பதில் இந்தியா மட்டுமல்ல வேறு எந்த நாட்டிற்கும் கூடப் பலன் எதுவும் இல்லை. அணு யுத்தம் என்பது ஒரு அச்சுறுத்தலே தவிர அது அடிக்கடி நடைபெறக் கூடிய ஒன்றல்ல.
கலாம் அறிவியல் அறிஞர்; சமூக விஞ்ஞானியல்ல
அணுஉலைக்கு எதிரான நிலை எடுத்திருப்பவர்கள் முன்வைத்த வாதங்கள் குறித்த நமது கருத்துக்களை மேலேகண்ட பத்திகளில் முன்வைத்தோம். இப்போது அணு உலைக்கு ஆதரவாக முன்வைக்கப்படும் கருத்துக்களையும் பார்ப்போம். அப்படி முன்வைக்கப்பட்ட கருத்துக்களில் முதன்மையானதும் ஓரளவு முழுமையானதும் முன்னாள் குடியரசுத் தலைவரும் விஞ்ஞானியுமான அப்துல் கலாம் அவர்களால் முன்வைக்கப்பட்ட கருத்தாகும்.
அவருடைய கருத்துக்களில் பொதிந்துள்ள உண்மைத் தன்மைகளை சந்தேகிப்பதற்கு நமக்கு முகாந்திரம் ஏதுமில்லை. அவரைப் பொறுத்தவரை அவர் யாராலும் தூண்டிவிடப்பட்டுக் கருத்துக்களை முன்வைக்கக் கூடியவர் அல்ல.
அதாவது இவ்வியத்தில் அரசின் தூண்டுதலால் அவர் அதற்கு ஆதரவாக தனது கருத்துக்களை முன் வைத்திருக்கிறார் என்று கூறுவதற்கு இடமில்லை. அவரது கருத்துக்களை அரசு அதிகபட்சம் பயன்படுத்திக் கொண்டிருக்கலாம். ஆனால் அவரைப் பொறுத்தவரை அவர் சமூக விஞ்ஞானி இல்லை என்பது மட்டுமே கணக்கிலெடுத்துக் கொள்ளப்பட வேண்டிய வியம் ஆகும்.
அதாவது விஞ்ஞானம், தொழில்நுட்பம் ஆகியவற்றின் மீதான அவரது அதீதக் காதல் அவை அமுலாகும் சமூகத்தையும் அதன் நோக்கங்களையும் கண்டுகொள்ளாதிருக்கும் போதாமையைக் கொண்டதாக இருப்பதற்கு வாய்ப்பு உள்ளது.
அந்த அமைப்பு விஞ்ஞானம், தொழில்நுட்பம் ஆகியவற்றின் மடைக் கதவுகளைத் தங்குதடையின்றித் திறந்துவிட்டு உற்பத்தி சக்திகளின் வளர்ச்சியை அதிகப்படுத்தி சமூகத்தின் தேவைகள் அனைத்தையும் ஈடுகட்ட வேண்டும் என்ற உயரிய நோக்கத்தைக் கொண்டதல்ல என்பதை அவர் கணக்கிலெடுத்துக் கொள்ளதவராகவே இருக்கிறார்.
அதுமட்டுமல்ல அணுஉலைகள் போன்ற அபாயகரமான ஆனால் அதே சமயத்தில் முன்னேறிய விஞ்ஞானத்தை அடிப்படையாகக் கொண்ட வியங்களை அமுலாக்கும் போது கடைப்பிடிக்கப்பட வேண்டிய அதிசிரத்தையுடன் கூடிய பாதுகாப்பு ஏற்பாடுகளை ஊழல் மலிந்த இன்றைய முதலாளித்துவ சமூக அமைப்பின் அதிகார வர்க்கமும் ஒப்பந்தக்காரர் களும் தேவைப்படும் அளவிற்கு மிகச் சரியாகச் செய்யக் கூடியவர்களா? அவ்வாறு அவர்கள் செய்துள்ளனரா? என்ற வியங்களை விமர்சனப்பூர்வமாக பார்க்கக் கூடியவர் அல்ல.
எனவே அவரது கருத்துக்களை உரிய முக்கியத்துவம் கொடுத்து நமது கவனத்தில் எடுத்துக் கொள்ளும் அதே சமயத்தில் நமது சமூக அமைப்பு குறித்து அவருக்கு சரியான கருத்துக்கள் இருக்க வாய்ப்பில்லை என்பதும் நம்மால் கணக்கிற் கொள்ளப்பட வேண்டும்.
உலையின் பாதுகாப்பிலும் சமரசம் செய்யவல்ல ஊழல் நிர்வாகம்
நரோரா அணுஉலையில் கதிர்வீச்சு நிறைந்த வேதிப் பொருட்களைக் கையுறை போன்ற உபகரணங்களை அணியாமலேயே வெற்றுக் கரங்களால் அங்கு வேலை செய்தவர்கள் அள்ளுவதை வெளிப்படுத்தும் புகைப்படம் ஒன்று அந்த ஆலை செயல்படத் தொடங்கிய சமயத்தில் பத்திரிக்கைகளில் வெளிவந்தது.
அந்த அளவிற்கு மனித உயிர் மற்றும் மனித நலன் குறித்து அக்கறையும் சிரத்தையும் அற்ற போக்குகளை கடைப்பிடிப்பவர்களாக அங்கிருந்த ஒப்பந்தக்காரர்களும் அதிகாரிகளும் இருப்பதை அந்தப் புகைப்படம் கோடிட்டுக் காட்டியது.
நமது அதிகார வர்க்கத்தின் நிர்வாகம் எவ்வாறு உள்ளதென்றால், இதுபோன்ற வியங்களில் நமது கோளாறுகள் உடனடியாக யாருடைய பார்வைக்கும் வரப்போவதில்லை; அவை பார்வைக்கு வரும் சமயத்தில் நாம் பதவியிலும் இருக்கப் போவதில்லை. எனவே நமது பதவிக் காலத்தில் நமக்குப் பிரச்னை வருவதற்கு வாய்ப்பில்லை என்று தோன்றினால் அப்போது கையூட்டிற்காக பாதுகாப்பு விதிகளில் ஓரளவு சமரசம் செய்து கொள்ளலாம் என்று கருதுவதாகவே உள்ளது.
எனவே இதைக் குறிப்பாகக் கணக்கில் எடுத்துக் கொண்டு, செய்யப்பட்டுள்ள பாதுகாப்பு ஏற்பாடுகள் திட்ட அளவில் உயர்ந்தவை தானா என்பதைப் பார்ப்பதோடு உள்ளபடியே அதற்கு உகந்த விதத்தில் நடைமுறைப்படுத்தப் பட்டுள்ளனவா என்பதையும் கண்டறிந்து பார்க்க வேண்டும்.
அவ்வாறு பார்க்கவல்ல தொழில்நுட்ப வல்லுனர்கள் கட்டிடக் கலை நிபுணர்கள் ஆகியவர்களைக் கொண்டு விருப்பு வெறுப்பற்ற ஆய்வு மேற்கொள்ளப்பட்டு அதன் பின்னர் இந்த ஆலை உரிய முறையில் நிறுவப்பட்டுள்ளதா? இல்லையா? என்பது பார்க்கப்பட வேண்டும்.
அத்தகு வல்லுனர்களைப் பொறுப்புடன் தேடிக் கண்டுபிடிக்க வேண்டும். ஏனெனில் வருந்தத்தகுந்த விதத்தில் நமது நாட்டில் பதவியிலிருக்கும் விஞ்ஞானிகள், அறிஞர்கள் அனைவரும் அரசு கொண்டுவரும் திட்டங்கள் அனைத்தையும் அவற்றை ஆய்வு செய்யாமலேயே ஆதரிப்பவர்கள். ஏனெனில் அது அவர்களின் பதவி உயர்வு போன்றவற்றிற்கு வழிவகுக்கும் என்று கருதி அவர்கள் அதனைச் செய்கின்றனர்.
அதே சமயத்தில் ஓய்வு பெற்ற விஞ்ஞானிகள், தொழில்நுட்ப வல்லுனர்களைப் பொறுத்தவரையில் அவர்களில் மிகப் பெரும்பாலோர் நிறுவப்படும் ஆலைகளின் அபாயகர அம்சங்களை மட்டும் வெளிப்படுத்துபவர்களாக இருக்கிறார்கள்.
இச்சூழ்நிலையில் சரியானவர்களைப் பொறுப்பான விதத்தில் தேடிக் கண்டுபிடித்து அவர்களுக்கு ஆலையின் பாதுகாப்பு வசதிகளை ஆய்வு செய்யும் முழுவாய்ப்பும் தரப்பட வேண்டும் என்று வலியுறுத்தி தங்களது சந்தேகங்களை போராட்டத்தில் ஈடுபட்டுள்ளவர்கள் தீர்த்துக் கொள்ள வேண்டும்.
அருகாமையில் வசிக்கும் மக்களுக்கு உரிய செலவில் மாற்று வசிப்பிடம்
மேலும் எந்த வகையான முன் யோசனையும் இன்றி ஆலையிலிருந்து கூப்பிடு தொலைவில் கட்டப்பட்டுள்ள வீடுகளில் வசிப்பவர்களுக்கு அவர்கள் தொழில் பாதிக்காத விதத்தில் எவ்வளவு செலவு ஏற்பட்டாலும் அதைப் பொருட்படுத்தாமல் மாற்று வசிப்பிடங்கள் ஏற்பாடு செய்துதரப்பட வேண்டும்.
இக்கோரிக்கைகளை முன்னிறுத்திப் போராட்டத்தைத் தொடர்ந்தால் அதற்கு மாநிலம் முழுவதிலும் உள்ள மக்கள் ஆதரவினை எளிதில் திரட்ட முடியும்.
சில கேள்விகளைக் கண்டு கொள்ளாதிருப்பது அக்கேள்விகளை இல்லாமல் செய்து விடுவதாகாது.
அதாவது இத்தனை ஆயிரம் கோடி ரூபாய்கள் செலவு செய்த பின்பு அது மின் உற்பத்திக்குத் தயாராக உள்ள நிலையில் அந்த ஆலையை இயங்கவிட மாட்டோம் என்று கூறுவது சரியானதா? மின்சாரப் பற்றாக்குறையில் மாநிலம் முழுவதுமே அல்லாடிக் கொண்டிருக்கும் சூழ்நிலையில் அதை ஓரளவு தீர்க்கவல்ல ஒரு மின் உற்பத்தி நிலையத்தைச் செயல்படாமல் தடுப்பது எப்படிச் சரியானதாக இருக்கும்? என்பது போன்ற கேள்விகள் நிச்சயமாக பகுத்தறிவு பூர்வமாக யோசிக்கும் நமது மாமாநில மக்களின் மனதில் இருக்கவே செய்யும்.
போராட்டத்தின் நியாயத்தை அவர்களும் உணர வேண்டுமென்றால் பாதுகாப்பு வசதிகளில் செய்யப்பட்டுள்ளதாக அணுஉலை எதிர்ப்பாளர்கள் சந்தேகிக்கும் சமரசங்களை இல்லை என்று நிரூபித்த பின்னரே ஆலை இயங்க வேண்டும் என்ற கோரிக்கையை முன்வைக்க வேண்டும். அப்போதுதான் அதன் நியாயத்தை மேற்கண்ட கேள்விகளைக் கொண்டுள்ள மக்களும் ஆதரிப்பர்.
இவ்வாறு மாற்றுக் கோரிக்கையை முன்வைத்து மக்களின் பாதுகாப்பையும் அதே சமயத்தில் ஆலையின் இயக்கத்தையும் ஒரே சமயத்தில் வலியுறுத்தும் வகையில் போராட்டத்தைத் தொடருவதே இத்தருணத்தில் சரியானதாக இருக்கும்.

அந்த வழியில் போராட்டம் தொடரப்பட்டால் மட்டுமே அணுஉலை ஆதரவாளர்கள் என்ற பெயரில் அவ்வட்டாரத்தில் வகுப்புவாத சக்திகள் உருவாக்க முனைந்துவரும் வகுப்பு மோதல்களையும் தடுக்க முடியும்.

இதனைச் சரியாகச் செய்வதற்கு அரசியல் பக்குவம் மிகுந்த அமைச்சர்கள், அதிகாரிகள் போன்றவர்கள் பேச்சுவார்த்தையாளர்களாக நியமிக்கப்பட வேண்டும். தோன்றுவதை எல்லாம் பேசி அதில் அரசியல் ஆதாயம் பெற விரும்பும் அல்லது நிலைமையைத் தற்காலிகமாகச் சமாளிக்க விரும்புபவர்களிடம் அத்தலையாய பொறுப்பு ஒப்படைக்கப்படக் கூடாது.
பக்குவமான வாதங்கள் ‡ மனதில் பதியும் வகையில் கூடங்குளத்தில் நடைபெறும் தற்போதைய இந்தப் போராட்டம் நாம் கூறும் விதத்தில் பாதுகாப்பு அம்சங்களுக்கு முக்கியத்துவம் கொடுத்து நடத்தப்படுவதோடு, பக்குவமாக எடுத்துரைக்கப்படும் சரியான கருத்துக்களை முன்வைத்து தமிழக மக்களை அணிதிரட்டுவதாகவும் இருக்க வேண்டும்.

அதாவது மத்திய அரசு மக்கள் மனதில் உள்ள அச்சத்தைப் போக்குவதற்காக அமைத்துள்ள குழுவில் அடையாறு புற்றுநோய் மருத்துவ மனையின் பொறுப்பாளர் சாந்தா அவர்கள் உள்பட, மீன்வள அறிவியல், மண்ணியல் போன்ற அணுமின் நிலையத்தால் எவையயல்லாம் பாதிக்கப்படும் என்ற கருத்து நிலவுகிறதோ அவை குறித்த கருத்துக்களுடையவர்கள் என்று கருதப்படும் விஞ்ஞானிகள் அனைவரையும் முன்னிறுத்தி இந்த வியத்தை தீவிரமாக எதிர்கொள்கிறது.
அதைப்போல் அதனை உரிய முறையில் எதிர்கொள்ளும் விதத்தில் நியாயமான மக்கள்நல மனநிலையோடு இப்பிரச்னையை அணுகும் தங்கள் தரப்பு விஞ்ஞானிகளையும் சமூக ஆர்வலர்களையும் முன்னிறுத்தி பக்குவமானதும் மக்கள் மனதில் பதியக் கூடியவையுமான வாதங்களை அணுஉலை எதிர்ப்புப் போராட்டக்காரர்கள் முன்வைக்க வேண்டும்.
ஆனால் இவ்விரு குழுக்களும் சந்தித்துக் கருத்துப் பரிமாற்றங்கள் நடத்தியதற்குப் பின்பு வெளிவந்த அறிக்கைகள் அத்தகைய தயாரிப்புடன் போராட்டக் காரர்கள் இல்லை என்ற எண்ணத்தை ஏற்படுத்துவதாகவே உள்ளது.
வகுப்புவாதப் போக்குகளை வளர்த்தெடுக்க அணுமின் நிலையத்திற்கு ஆதரவான இயக்கம் ஒன்று உருவாக்கப்பட்டுச் செயல்பட்டு வரும் வேளையில் அதன் கருத்திற்கு வலுச் சேர்க்கும் விதத்தில் நடந்துகொள்வதை அவர்கள் அனைத்து முயற்சிகளும் எடுத்துத் தடுக்க முனைய வேண்டும்.
ஆலையின் வரைபடத்தைக் கேட்டால் அதை எதற்காகக் கேட்கிறோம் என்பது தெளிவுபடுத்தப்பட வேண்டும். அதுமட்டுமல்ல ரஷ்யா, இந்தியா ஆகிய இருநாடுகளுக்கு இடையில் செய்து கொள்ளப்பட்ட ஒப்பந்தத்தின் நகலைக் கேட்கிறோம் என்றால் அதை எதற்காகக் கேட்கிறோம் என்பதும் தெளிவுபடுத்தப்பட வேண்டும்.
அவ்வாறு இக்கேள்விகளின் நோக்கம் தெளிவுபடுத்தப்படாத ஒரு சூழலே அந்நிய சக்திகளுக்கு வழங்குவதற்காகவே இவற்றைக் கேட்கிறார்கள் என்ற அணு ஆலை ஆதரவுப் போராட்டக் குழுவினரின் விமப் பிரச்சாரத்திற்கு வலுச் சேர்க்கிறது.
அதாவது போராட்டம் கூடங்குளத்தைச் சுற்றியுள்ள பகுதியில் நடக்கும் உக்கிரத் தன்மையை வைத்து இத்தனை உறுதியுடன் இப்போராட்டத்தை நடத்தினாலே போதும் என்று எண்ணிவிடக் கூடாது. அப்போராட்டத்தின் நியாயம் பொறுமையுடனும் நயத்துடனும் பிற பகுதிகளுக்கும் எடுத்துச் செல்லப்பட வேண்டும்.
இல்லாவிட்டால் அப்போராட்டம் ஒரு குருட்டுத்தனமான போர்க்குணத்தைக் கொண்டதாக நாளடைவில் மாறிவிடும். அந்தக் குருட்டுத்தனமாக போர்க்குணமே அப்போராட்டம் குறித்த ஒரு தவறான எண்ணத்தை பிற பகுதி மக்களிடம் ஏற்படுத்துவதாகவும் ஆகிவிடும்.

காங்கிரசின் காலடியில் மக இகவும் -போலிகம்யூனிஸ்டுகளும் சரணடைந்ததன் வரலாறு

2012-01-07T09:15:00.003+05:30

அன்னாஹசாரே அவர்களின் போராட்டம் என்பது இளைஞர்களிடையே இந்தியா முழுவதும் ஒரு எழுச்சியை ஏற்படுத்தியதை மறுக்க இயலாது. ஆனால் இதை இடதுசாரிகள் என தங்களை அழைத்துகொள்ளும் கட்சிகள் எப்படி பார்த்தன; அவர்கள் பார்ததற்கும் அவர்களின் சொந்த நலனுக்கும் உள்ள சம்பந்தம் என்ன இதன் மூலம் அவர்கள் எப்படி அம்பலபட்டார்கள் என்பதை தோலுரிக்கும் கட்டுரை இது.

லஞ்ச ஊழல் நாட்டின் பிரச்சனையா என்பதில் என்ன கருத்து வேறுபாடு இருக்க முடியும் என்பதை கலைக்டர் ஆபிசில் மனுகொடுக்க காத்திருக்கும் சாமானியர் முதல் அனைவருமே இந்திய ஆளும் வர்க்கத்தின் அமைப்பான அரசின் அங்கத்தை பற்றிய கசப்பான உண்மைகளை சீரணித்தும் ஒன்றும் செய்ய முடியாதவர்களாய் வாழ்ந்துதான் வருகிறோம்.

47 க்கு பிறகு சுதந்திரம் என்ற இந்திய முதலாளிகளுக்கான‌ சுதந்திரத்தில் இந்திய முதலாளிவர்க்கமும் அரசாங்க அதிகாரிகளும் பின்னி பிணைந்து உருவாக்கி வளர்த்துள்ள இந்த ஊழல் மரத்தின் கிளையை வெட்ட கோடாலி எடுத்து வரச்சொன்னதுமே இளைஞர்கள் கிளம்பி விட்டார்கள். கிளையை வெட்டக் கிளம்பியவர்கள் எங்கே மரத்தையும் அதன் ஆணிவேரான முதலாளித்துவ அமைப்பையும் சேர்த்து வெட்டி விடுவார்களோ என்ற பயம் ஆளும் வர்க்கத்திற்கு வந்துவிட்டது. அன்னா ஹசாரே அதை நோக்கிப் போகமாட்டார். ஆனால் போராட்ட வெற்றியின் ருசி கண்ட படித்த இளைஞர்கள் லோக்பால் வந்த பின்னும் ஊழல் ஏன் தீரவில்லை என்று யோசிக்க ஆரம்பித்தால் அவர்களில் ஒருபகுதியினராவது அதை நோக்கிச் செல்வார்கள் என்பது அந்த அளவிற்கு புத்திக் கூர்மை இல்லாத கம்யூனிஸ்டுகளுக்கு தெரியாமல் போனாலும் அதிபுத்திசாலியான ஆளும் வர்க்கத்திற்குத் தெரிந்து விட்டது. அதனால் கடும் முயற்சி செய்து அந்தப் போராட்டத்தை தோல்விடைய செய்து விட்டனர்.

ஆனால் அந்த போராட்டம் தோல்வி அடைய காங்கிரஸ் மட்டும் முயற்சி செய்யவில்லை கம்யூனிஸ்டுகளும் தான் ( போலி - தீவிர போலி) முயற்சித்தார்கள். ஊழல் என்பது எந்த வர்க்கத்தின் ஆதாய நோக்கு என்பதை அம்பலபடுத்த வேண்டிய கம்யூனிஸ்டுகளே ஊழல் எதிர்ப்பு என்பதே போலித்தனம் என வியாக்கியானம் கொடுத்தார்கள். சிபிஎம் சிபிஐ என்கிற இரண்டு பெரிய கட்சியுமே தாராளமயம்தான் ஊழல் பெரிகியதற்கு காரணம் என சொல்லி அதன் ஊற்றுக்கண்ணாகிய முதலாளித்துவத்தையும் அதில் நன்மை அடையும் முதலாளி வர்க்கத்தை மறைத்தார்கள். இன்னொரு புறம் தாராள மயத்தின் மூலம் லஞ்சம் கொடுத்து காரியம் சாதிக்க அரசு அதிகாரிகளை உபயோகபடுத்த முடியாது என்பதால் அன்னா ஹ்சாரே ஊழல் எதிர்ப்பு போராட்டத்தை நடத்துகிறார் என சப்பை கட்டு காரணம் சொல்லி மக இக உள்பட நக்சல்பாரிகளும் ஊழல் எதிர்ப்பை எதிர்த்து காங்கிரசுக்கு சேவை செய்தார்கள்.

தாராளமயத்தை சிகப்பு துணி போட்டு மறைத்தால் அது மறைந்துவிடும் என கற்பனை செய்தார்கள்.

இதுவரை தொழிலாளி வர்க்கத்தை அணிதிரட்டி புரட்சி செய்ய போவதாக சொல்லி இரண்டு மாநிலங்களில் ஆட்சியை பிடித்த சிபிஎம்மோ இந்த பாராளுமன்ற வாதமே தீர்வு தரும் என நம்பிக்கொண்டு அதிலேயே உக்கார்ந்து பதவி சுகம் கண்டதால் பாராளுமன்றத்திற்கு தீங்கு செய்வதாக அன்னா வின் மேல் குற்ற்சாட்டுகளை அடுக்கினார்கள். அவர்களது குற்றச்சாட்டு இதுதான் பாராளுமன்றமே சட்டங்களை இயற்ற வேண்டும் அன்னா யார் அதற்கு உத்தரவு போட. அடுத்து இவர்களது தொழிற்சங்க வாதம் என்பது அனைத்து தொழிலாளர்களுக்கும் என்ற நிலையிலிருந்து மாறி அரசு தொழிலாளர்களுக்கு மட்டும் என்பதாலும் அரசு தொழில்கள் தனியாருக்கு கையளிப்பதை தடுப்பதே தலையாய நோக்கம் என்பதால் ஊழல் எதிர்ப்பு போராட்டம் தாராள மயத்துக்கு துணைபோவதாக கருதி இந்த போராட்டத்தை கண்டுக்காமல் விடுவது அல்லது இதற்கு காரணம் கற்பித்து மலடாக்குவது . இதை செய்யத்தான் மிகவும் பிரயாசை பட்டது காங்கிரஸ் அரசு அந்த வேலையை சுளுவாக்கும் பணியை செவ்வனே செய்தார்கள் நமது போலி காம்ரேடுகள் .

அருந்ததி ராய் போன்ற அறிவுஜிவிகளோ நாட்டின் சட்டம் இயற்றும் உரிமையையும் தனியாருக்கு கொடுப்பதே இதுன்னு ஓவராக பில்டப் கொடுத்தார்கள் நாட்டின் அனைத்து துறைகளும் செயல் இழந்து லஞ்ச ஊழல் எனும் புற்றுநோயால் பாதிக்கப்பட்டு இருக்கும் சூழலை யாராலும் புரிஞ்சிக்க முடியும் போது அதை எதிர்த்த போராட்டத்தை ஒரு அரசாங்கம் ஒடுக்குவது புரிஞ்சுக்க கூடிய விசயம். ஆனால் இந்த அரசமைப்பை தூக்கி எறிய இருப்பதாக மார்தட்டும் கம்யூனிஸ்டுகள் இத்தகைய எழுச்சியை கைப்பற்றி அரசுக்கு -அரசமைப்புக்கு -முதலாளித்துவத்துக்கு எதிராக திருப்ப முயலாமல் இந்த போராட்டத்தின் தலைமையின் மேல் விமர்சனம் வைத்து கொண்டு "சும்மா" இருந்தார்கள்.

இவர்களுடைய பலமான தலைமையின் கீழ் மக்கள் ஏன் திரளவில்லை என்பதற்கு இதைவிட வேறு உதாரணங்களையும் பார்க்கலாம். முல்லை பெரியாறு விசயத்தில் ஓட்டு கட்சிகள் அம்பல பட்டு போனதும் மக்கள் தன்னெழுச்சியாக போராட ஆரம்பித்தார்கள் அதை போலத்தான் இந்த ஊழலுக்கு எதிரான போராட்டமும் ஆனால் அங்கே பானி பூரி விற்பதையும் பரதநாட்டியம் ஆடுவதையும் குறைகூறிக்கொண்டு உக்கார்திருக்கும் இவர்களே மக்களின் ஒரே பிரதிநிதியென சுவர்களில் தனியார் மயம் தாராள மயம் உலகமய எதிர்ப்பை எழுதி எழுதி எதிர்க்கிறார்கள்.

கண்ணிருந்தும் குருடர்களாய் காதிருந்தும் செவிடர்களாய் போன இவர்களை மார்க்சின் ஆவிகூட மன்னிக்காது நாளோரு மேனியும் பொழுதொரு வண்ணமுமாக போராட்டத்துக்கு காரணம் தேடி அந்த போராட்டம் தங்களால் நடத்த முடியாத போது சீச்சீ என்று புளிப்பதாக சொன்னார்கள்.

1) ஊழல் புகாரில் இருந்து தப்பிக்கவே இந்த போராட்டத்தை காங்கிரஸ் தூண்டுவதாக ஒரு கருத்தும்

2) தாராளமயத்தினை தாராளமாக்கவே ஊழலை ஒழிக்க கிளம்பியதாக ஒரு கருத்தும்

3) மசோதாக்களை வரைவது தனிநபர் கைக்கு போவதை எதிர்ப்பதாக ஒரு கருத்து என்றும் பல்வேறு கருத்துக்களை உருவாக்கி அதற்கு கண் காது மூக்கு வைத்து நடமாட விட்டார்கள்.

4) அன்னா ஹசாரே ஆர்.எஸ்.எஸ்.காரர் என்றது ஆளும் காங்கிரஸ் கட்சி; ஆமாம் அன்னா ஹசாரே ஆர்.எஸ்.எஸ்.காரர் என்று தாளம் போட்டார்கள் போலி கம்யூனிஸ்டுகளும் தீவிர போலி கம்யூனிஸ்டுகளும். அன்னா ஹசாரே ஆர்.எஸ்.எஸ்.காரர் சரி; அவர் பின்னால் திரண்ட அத்தனை இளைஞர்களும் ஆர்.எஸ்.எஸ்.காரர்களா?

5) அன்னா ஹசாரே டிரஸ்டிற்கு கார்பரேட் நிறுவனங்களிடம் இருந்து பணம் வருகிறது என்றது ஆளும் காங்கிரஸ் கட்சி; ஆமாம் கார்பரேட் நிறுவனங்களிடம் இருந்து பணம் வாங்கிக் கொண்டு ஊழலை எதிர்க்கிறார் என்று பின்பாட்டுப் பாடினார்கள் போலி கம்யூனிஸ்டுகளும் தீவிர போலி கம்யூனிஸ்டுகளும். அன்னா ஹசாரே கார்பரேட் நிறுவனங்களிடம் இருந்து பணம் வாங்கிக் கொண்டு ஊழலை எதிர்க்கிறார் சரி; அவர் பின்னால் திரண்ட அத்தனை இளைஞர்களும் கார்பரேட் நிறுவனங்களிடம் இருந்து பணம் வாங்கிக் கொண்டா ஊழலை எதிர்க்கின்றனர்.

6) அன்னாவின் பின்னால் திரண்டிருக்கும் இளைஞர்கள் லஞ்சம் கொடுத்துக் காரியம் சாதிக்காதவர்களா என்றது ஆளும் காங்கிரஸ் கட்சி; ஆமாம் இவர்கள் யோக்கியதை தெரியாதா, நேற்றுவரை இல்லாத அக்கறை இன்று இவர்களுக்கு திடீரென்று எப்படி வந்தது என்று சிந்தனையைத் தூண்டும் கேள்வியை எழுப்பினார்கள் போலி கம்யூனிஸ்டுகளும் தீவிர போலி கம்யூனிஸ்டுகளும். பிறக்கும் போதே போராட்டத்திற்கு வராதவர்கள் பின்னாளில் வரக்கூடாது என்பது இவர்கள் சட்டம் போலும்.

7) ஆளும் காங்கிரஸ் கட்சி அன்னாவின் போராட்டத்தை எதிர்ப்பது ஆச்சர்யமானதல்ல. ஆனால் போலி கம்யூனிஸ்டுகளும் தீவிர போலி கம்யூனிஸ்டுகளும் அன்னாவின் போராட்டத்தை காங்கிரஸ் கட்சி எடுத்துக் கொடுக்கும் அதே வாதங்களை வைத்து எதிர்ப்பது ஏன்? இவர்களின் எஜமானன் காங்கிரசும் மன்மோகன்சிங்குமா? இவர்களில் தீவிர போலி கம்யூனிஸ்டுகளின் எஜமான விசுவாசம் இன்னும் அதிகம். இவர்கள் காங்கிரசையும் தாண்டி அன்னாவையும் அவர‌து ஆதரவு இளைஞர்களையும் நக்கலும் நையாண்டியும் செய்து போராட்டத்தின் மீதான தங்கள் வக்கிரமான விமர்சனங்களை வெளிப்படுத்தினார்கள்.

இவற்றின் மூலம் ஒரு போராட்டத்தை கொன்றுவிட்டார்கள். இதுவரை அரசியலே பிடிக்காது என்று சொன்ன நடுத்தர வர்க்கத்து இளைஞர்களின் இந்த போராட்ட உணர்வை ஓட்டுப் பொறுக்கி அரசியல் கட்சிகளும் ஓட்டுப் பொறுக்காத அக்மார்க் அரசியல் கட்சிகளும் சேர்ந்து மழுங்கடித்து விட்டனர். அவர்களது "எனக்கு அரசியல் பிடிக்காது " என்ற தங்களது முந்தய உணர்வு சரிதான் என்று அவர்களை நினைக்க வைத்து மீண்டும் வீட்டிற்குள் தள்ளி அடைத்த்து விட்டார்கள். இதனால் ஆளும் வர்க்கங்களுக்கும் அதன் அரசியல் கட்சிகளுக்கும் ஆதாயம். கம்யூனிஸ்டுகளுக்கு என்ன பலன்?

இனி இந்த‌ போலி கம்யூனிஸ்டுகளும் தீவிர போலி கம்யூனிஸ்டுகளும் ஊழலை ஒழிக்க என்ன செய்ய போகிறார்கள் என்று பார்த்தால் அவர்களது தனிதனியான நிகழ்ச்சி நிரலை செயல்படுத்துவார்களே அன்றி ஊழலின் நிழலை கூட தொடமாட்டார்கள்.

சி.பி.ஐ. யும் சி.பி.எம்-மும் நாங்கள் ஆட்சிக்கு வந்தால் ஒழித்து விடுவோம் என்று ஓட்டு சேகரிக்க கிளம்பி விடுவார்கள். தீவிர போலிகம்யூனிஸ்டுகள் என்ன செய்வார்கள்? தனியார்மயம், தாராளமயம், அந்நிய மூலதனத்தை எதிர்த்து புதிய ஜனநாயகப் புரட்சியை நடத்திவிட்டால் ஊழலை ஒழித்து விடலாம் என்று போகாத ஊருக்கு வழி சொல்வார்கள். அதைச்சொன்ன கையோடு நடுத்தர வர்க்கத்தை புதிய ஜனநாயகப் புரட்சியின் நேச சக்தியாக அணிசேர்க்க செயல்தந்திரம் வகுப்பதற்காக ரூம் போட்டு யோசிப்பார்கள். ஆனால் அதே நடுத்தர வர்க்கம் அன்னாவின் பின்னால் அணிதிரண்டு போராட வந்தபோது அணிசேர்க்கை செயல்தந்திரம் எதுவும் இல்லாமல் செயல் இழந்து நின்று விட்டு இப்போது கொக்கு தலையில் வெண்ணை வைத்துப் பிடிக்க திட்டம் போட்டுக் கொண்டிருக்கிறோமே ஏன் என்பது மட்டும் அவர்களுக்கு தோனவே தோனாது. இதன் மூலம் எதிர்புரட்சி வேலையையே செய்கிறார்கள் இந்த துரோகிகள்.

இயக்கம் தளத்தில் இது தொடர்பாக வெளி வந்துள்ள விரிவான ஆழமான கட்டுரையின் சுட்டி இதோ:

ஊழலுக்கு எதிரான அன்னா ஹசாரேயின் இயக்கம்: இடதுசாரி மற்றும் கம்யூனிஸ்ட் கருத்தோட்டம் உடையவர்கள் பார்க்கும் முறையும் பார்க்க வேண்டிய விதமும்

http://ieyakkam.blogspot.com/2012/01/blog-post_05.html

Pasted from <http://mail.google.com/mail/?ui=2&view=bsp&ver=ohhl4rw8mbn4>

கையாலாகாத அரசியலும் ஆட்டோ வாடகையும்

2012-01-04T20:41:00.000+05:30

இந்த நாட்டின் உபயோகமான பல பொருட்களை உற்பத்தி செய்துவிட்டு குறைந்த கூலியை பெற்று மேலும் மேலும் ஏழைகளாகி வாழ வழியற்றவர்களாக நாள் தோறும் செத்து செத்து பிழைக்கும் பாட்டாளி வர்க்கத்தை திரட்ட முடியாத ஒரு வக்கற்ற தனம் என்ன செய்கிறது .

குட்டி முதலாளிகளையும் , லும்பன்களையும் பாட்டாளிவர்க்கத்தின் முன்னனி படையாக

சிருஷ்டிக்கிறது. அதன் காரணமாக மார்க்சியத்தை திருத்தி அமைக்கிறது - கமிசன் மண்டி காரனால் விவசாயி சுரண்ட பட்டால் அது சுரண்டலே இல்லை என்றும் ஆட்டோ காரனால் மக்கள் பாதிக்கப்பட்டால் அதிகமாக கேட்கப்பட்ட பத்து ரூபாய் ஒரு சுரண்டலே இல்லை என்றும் சொல்லி இந்த நாட்டில் புரட்சிக்கு ஆள் சேர்க்க படும் சூழலில்தான் ஒரு கம்யூனிஸ்டு கட்சி இருக்கிறதென்றால் அது மக இகவை தவிர வேறொன்று இருக்க முடியாது

விவசாயிகளின் உற்பத்தி பொருளுக்கு கிடைக்காத விலைக்கு காரணம் அரசின் கொள்கைகள் மட்டுமே அதஎன்றும் கமிசன் மண்டி காரன் - கந்து வட்டிகாரனின் சுரண்டலே ஒரு பெரியவிசயம் இல்லை என்றும் கூறியும் புதிதாக அந்நிய முதலீடு வந்தால் மட்டுமே விவசாயிகள்

சுரண்டப்படுவார்கள் என சொல்வதன் மூலம் ஏற்கனவே சுரண்டிக் கொண்டிருக்கும் உள்நாட்டு முதலாளி வர்க்கத்தை காப்பாற்றும் இவர்கள் ஆட்டோ தொழிலாளர்கள் குறைந்த கூலிக்கு ஆட்டோ

ஓட்ட வருவதற்கு காரணமே இந்த முதலாளித்துவ அமைப்பு தொழில்களை உருவாக்க வக்கற்ற அரசுதான் என்பதை கூறாமல் அந்த ஆட்டோ காரர்கள் பொதுமக்களின் மேல் சுமத்தும் சுரண்டலை

நியாயப்படுத்துவதன் மூலம் நாட்டின் பெருவாரியான உழைக்கும் மக்களின் அரசியலை கை மாற்றி விடுகிறார்கள்

பாட்டாளிகளை தேட முடியாது சாதிகளாக மதங்களாக பிரிந்து கிடக்கிறார்கள் என காரணம் சொல்லும் இதே நபர்கள் அதே சாதிகளாகவும் மதங்களாகவும் பிரிந்து கிடந்தாலும் தன்னுடைய வாழ்நிலைமைக்காக அணி சேர்ந்துள்ள தனது சொந்த நலனை முன்னிருத்தும் வணிக‌ வர்க்கத்தை பாட்டாளி வர்க்கத்தின் படையாக எந்த நிபந்தனையும் இன்றி ஆதரிப்பதுடன் ஏற்கனவே அணிதிரண்டுள்ள வணிக‌ வர்க்கம் அணிதிரட்டபடாத பாட்டாளி வர்க்கத்தின் கோரிக்கையை பேசுமா என்றும் , அணி திரட்டுவதற்கான குறைந்த பட்ச நிபந்தனையாவது ஏற்று கொள்ளுமா என்றும் கேட்கப்பட்ட நமது கேள்விகளை ஒதுக்கி தள்ளுவதுடன் மட்டுமின்றி புரட்சிக்கான அணி சேர்க்கைக்காக என காரணம் சொல்லி சுரண்டலுக்கான புதிய வியாக்கியானம் படைக்கிறார்கள்

அதில் இரண்டு முக்கிய விசயங்கள்

1. சரவணா ஸ்டோரில் வேலைபாக்கும் தொழிலாளிக்கு இழைக்கப்படும் ஜன்நாயகமற்ற திட்டுகளை நியாயப்படுத்தவும் அவன் இன்னொரு முதலாளியாக உருவாகலாம் என தைரியம் கொடுத்து சாக்கு சொல்லவும் செய்து உள்நாட்டு முதலாளித்துவத்துக்கு ஜால்ரா தட்டுவதும்

2.//அப்புறம் திரும்பப் பேசி எடுத்து 75,000 ரூபாய் தந்தான். ஏதோ 1000 – 2000 கழிச்சுக்கிட்டு டுப்பான்னு பாத்தா இப்படி ஒரேயடியாக 7,500 ரூபாய் அடிச்சுட்டான் சார். இப்படி சும்மா இருந்துகிட்டே சம்பாதிக்கிறானுங்க சார். நீ உருப்படவே மாட்டே என்று சொல்லிட்டுத்தான் வந்தேன். இப்படி சம்பாதிக்கிறவனுங்க, ஆட்டோல ஏற வந்தா பேரம் பேசுவானுங்க, இவ்வளவு தூரத்துக்கு 40 ரூபாயா, கொஞ்சம் நியாயமா, தருமமா கேளுப்பான்னு சொல்லுவானுங்க!//

ஆட்டோவில் ஏறும் எல்லாருக்குமே அதிகமாக பத்துரூபாய் வசூலிக்கும் லும்பதனத்துக்கு

வக்காலத்துதான் ஒரு நாளில் ஏறும் நபர்களில் வட்டிகடைக்காரன் எத்தனை

பேர் சாதாரண பொதுஜனம் எத்தனை பேர் உழைக்கும் வர்க்கம் எத்தனை பேர் என்பதையெல்லம் அனுசரித்து எந்த ஆட்டோகாரரும் தனது கட்டணத்தை நிர்ணயிப்பதில்லை என்கிற அடிப்படை விசயத்தை கூட மறைத்து அரசியல் பேசும் அவசியம் ஏன் வந்தது

அதுதான் பாட்டாளிகளை மறுத்து குட்டி முதலாளிகளை வைத்து அவர்களே முன்னனி பாட்டாளிவர்க்கமாக திரித்து புரட்சியை நடத்திவிட முயலும் திரிபு வாதம் .

3.அதிகமாக வசூலிக்கும் 10 ரூபாயே சரியென வாதிடும் ஒரு வர்க்கம்தான் புரட்சியின் முன்ன்னி படை என இவர்கள் அறிமுகம் செய்வதும்

4.விவசாயிகளுக்கு விற்கும் உரத்தை பதுக்கி அதிகலாபத்துக்கு விற்கும் வியாபாரிதான் நேச்சக்தி என்று சொல்வதும்

5.அணிசேர்க்கையில் மாவோ அல்லது லெனின் சொன்ன எந்த நிபந்தனையும் பேசப்பட மாட்டாது என்பதை தெள்ள தெளிவுற காட்டுகிறது

6.இவர்கள் செய்வது குட்டிமுதலாளித்துவ கோரிக்கைக்கு அடியாளாக பாட்டாளிகளை அணுப்புவதுதானே தவிர - பாட்டாளிகளுக்கான போராட்டமோ புரட்சியோ இல்லை

எனவே இவர்கள் பேசுவது கம்யூனிசம் என்ற பேரில் குட்டிமுதலாளிகளின் அரசியலே. குட்டிமுதலாளிகளுக்கும் பாட்டாளி வர்க்கத்துக்கும் இடையே நேசசக்தி என்ற பெயரில் வர்க்க சமரசம் செய்து வைக்கின்றனர். அதைத்தான் குட்டிமுதலாளிகளுக்கு சி.பி.ஐ., சி.பி.எம் செய்கிறது. பெரிய முதலாளிகளுக்கு திமுக அதிமுக மதிமுக தெமுதிமுக எல்லாம் செய்கிறது. என்ன ஒன்னு அவர்கள் ஓட்டு வாங்கி செய்கிறார்கள் இவர்கள் ஓட்டு வாங்காமல் செய்கிறார்கள் அவ்ளோதான் வித்தியாசம். ஓட்டுக்காக வர்க்கப் போராட்டத்தை கைவிடுவதும் வர்க்க சமரசவாதம்தான்; கட்சிக்கு ஆள் சேர்ப்பதற்காகவும் நிதி வசூலுக்காகவும் வர்க்கப் போராட்டத்தை கைவிடுவதும் வர்க்க சமரசவாதம்தான்.

கம்யூனிச விவாதம்

2012-01-03T20:05:00.002+05:30

என்னிடம் வைக்கப்பட்ட கேள்விகள் அதற்கு நானளித்த பதில்களும் இதோ :

-------------------------

//1. கம்யூனிஸத்தில் தனிநபர் திறமைக்கு மதிப்பு இருக்கிறதா?

கம்யூனிசத்தில் தான் தனிநபர் திறமைக்கு மதிப்பும் உரிய வெகுமதியும் கிடைக்கும்

//2. 8 மணி நேரத்திற்கு பதிலாக 12 மணிநேரத்திற்கு உழைக்கும்

தொழிலாளி கூடுதலாக பணம் சேர்க்க முடியுமா இல்லையா?

கண்டிப்பாக கூடுதல் பணம் கிடைக்கும்

//3. அப்படி பணம் சேர்க்கும் தொழிலாளி அந்த பணத்தை மேலும் பெருக்குவது தவறா? (நான் கொள்ளையடிக்கும் முதலாளிகளைப் பற்றி பேசவில்லை)//

தனி உடமையை பற்றி பேசும்போது கம்யூனிஸ்டு கட்சி அறிக்கையில் மூலதனமாக மாற்றப்படாத தனி உடமையை எதிக்கவில்லை மாறாக எந்த ஒரு பணமும் முதலீடாக மற்றவனை சுரண்ட அனுமதி இல்லை

//4. கம்யூனிஸம் என்பது முதலாளிகளுக்கு எதிரானதா அல்லது பணத்திற்கு எதிரானதா? //

கம்யூனிசம் என்பது முதலாளித்துவத்தில் இருந்து பிறக்கும் குழந்தை முதலாளித்துவம் முற்போக்கானது நிலவுடமையை பார்க்கும் போது அதை விட முற்போக்கானது சோசலிசம்

//5. நல்ல முறையில் தொழில் செய்து ஒருவர் பணக்காரர் ஆக முடியாதா? //

நல்ல முறையில் என்றால் என்ன?

//6. ஏழைகள் எல்லாம் பணக்காரர்கள் ஆக முடியுமா அல்லது முடியாதா? //

ஏழை பணக்காரன் என்கிற இரட்டிப்பு பெரும் பிளவுகள் இருக்கும் சமூகத்தில் இருந்து கொண்டு இதை கேட்கிறீர்கள் ஏழை இருந்தால்தான் பணக்காரன் இருக்க முடியும் பணக்காரன் இருந்தால் ஏழை கண்டிப்பா இருப்பான் என்கிற காரணத்தால் - ஏழைகள் இருக்க மாட்டார்கள் பணகாரர்களும் இருக்க மாட்டார்கள்

//7. பணம் என்பது ஆதிக்க சக்தியா அல்லது ஆக்க சக்தியா? //

பணம் சமூக உற்பத்தியில் ஆக்கசக்தியாகவும் தனிநபர் சுவீகரிப்பினால் அழிவு சக்தியாகவும் இருக்கிறது

//எல்லாரும் எல்லாமும் பெறவேண்டும் என்பது ஏற்றுக் கொள்ள வேண்டிய தத்துவமே. ஆனால் அந்த எல்லாருக்கும் எல்லாரும் உழைக்க வேண்டும். அவர்களுக்காக கூடுதலாக உழைப்பவர்களை தடை செய்ய முடியாது. அது உழைப்பை முடக்கும். வளர்ச்சியை முடக்கும். //

இது சரியே

//கம்யூனிஸம் என்பது தற்போதைய உலகிற்கு ஏற்ற கருத்தல்ல என்பதை கம்யூனிஸ நாடுகளே நிருபித்து வருகின்றன? நம்ம ஊர் கம்யூனிஸமும்தான் (மே.வ., கேரளா).//

மேற்கண்டவை எல்லாம் கம்யூனிச ம் உருவான மாநிலங்கள் அல்ல

கம்யூனிஸ்டு கட்சி பேனரில் ஒரு முதலாளித்துவ கட்சி ஆண்ட மாநிலங்கள்

தொடர்ச்சி :

திரு .தேவனால்என்னிடம் கேட்கபட்ட கேள்விகளும் அதற்கு எனது பதில்களும்

-------------------------------------------------------------------------------------------------------

/தனி உடமையை பற்றி பேசும்போது கம்யூனிஸ்டு கட்சி அறிக்கையில் மூலதனமாக மாற்றப்படாத தனி உடமையை எதிக்கவில்லை மாறாக எந்த ஒரு பணமும் முதலீடாக மற்றவனை சுரண்ட அனுமதி இல்லை //

//திரு தியாகு அவர்களே,

தனி உடமையை ஒருவர் ஏன் முதலீடாக மாற்றக் கூடாது? பணம் அவன் தன் உழைப்பால் சம்பாதித்த பணம்தானே? அதாவது அவன் தான் உழைக்கும் திறனை பணமாக மாற்றியுள்ளான். அந்த திறனை ஏன் மேலும் பெருக்கக் கூடாது?//

ஒரு பொருளின் உற்பத்தியில் உழைப்புக்கு செலுத்தியது போக மிச்சம் உள்ள உபரிதான் லாபமாக முதலாளிகளால் திரட்டப்படுகிறது

இதை அவனது திறமைக்கான பரிசாக கொள்ள முடியாது

//கம்யூனிசம் என்பது முதலாளித்துவத்தில் இருந்து பிறக்கும் குழந்தை முதலாளித்துவம் முற்போக்கானது நிலவுடமையை பார்க்கும் போது அதை விட முற்போக்கானது சோசலிசம் //

ஜனநாயக நாடுகளில் கம்யூனிஸம் விரும்பப் படுவதில்லை. கம்யூனிஸ நாடுகளில் ஜனநாயகம் இருப்பதில்லை, ஏன்?//

ஜனநாயகம் நாடுகளில் முதலாளித்துவ உற்பத்தி முறை இருப்பதால் தான் கம்யூனிசம் விரும்பபடவில்லை முதலாளிகளால்

இந்த விருப்பங்கள் உருவாக்கும் இடத்தில் முதலாளிகளே இருக்கிறார்கள் ஊடகங்களில் அதான் காரணம்

//முதலாளித்துவத்திலிருந்து கம்யூனிஸம் எப்படி பிறக்கிறது? சீனா ஒரு கம்யூனிஸ நாடா? முதலாளித்துவ நாடா?

//நல்ல முறையில் என்றால் என்ன?//

முதலாளித்துவம் உற்பத்தி சக்திகளை வளர்க்கிறது வளரும் உற்பத்தி சக்திகள் சமூக உற்பத்தியை அதாவது அனைவரும் ஒன்றாக சேர்ந்து பொருளை உற்பத்தி செய்வதை கோருகிறது ஆனால் லாபம் என்ற வகையில் அதன் பயன் ஒரு தனிநபரின் பாக்கெட்டுக்குள் போவதை சமூகம் விரும்பாத போது முரண்படுகிறது (அப்போது சமூக வளர்ச்சி தடைபடுகிறது) எனவே உற்பத்தி உறவுகளை மாற்றி அமைக்க வேண்டிய நிர்பந்தம் ஏற்படுகிறது

//மும்பையில் தலைச்சுமையாக இட்லி விற்று பணக்காரர் ஆன தமிழர்கள் ஏராளமாக உள்ளனர். இவர்களது வாழ்க்கை செக்கு மாட்டு வாழ்க்கை போலத்தான். கணவன் மனைவி என இருவருக்குமே சரியான வேலை இருக்கும். தனிநபர்கள் மிகவும் கஷ்டப்பட வேண்டும். //

மும்பையில் இட்லி சுடுபவன் எல்லாருமே ஏன் பணக்காரர்களாகவில்லை ஒரு சில உதாரணங்கள் சமூகத்தை பிரதிபலிக்குமா

//இப்படிச் சம்பாதிக்கும் ஒருவர் இட்லிக் கடை போடுகிறார். நாளடைவில் அவருக்கு விழாக் காலங்களுக்கான ஆர்டர் கிடைக்கிறது. இப்படி ஒருவர் (நல்லமுறையில்) முதலாளி ஆவது தவறா?//

விழா காலங்களில் ஆடர் கிடைத்தால் அவரே உக்கார்ந்து விழாவுக்கு முழுக்க இட்லி சுட முடியுமா அப்போ வேலைக்கு அமர்த்துகிறார் அதன் மூலம் அவர்களின் உழைப்பை சுரண்டித்தான் பணக்காரர் ஆகமுடியும்

//ஏழை பணக்காரன் என்கிற இரட்டிப்பு பெரும் பிளவுகள் இருக்கும் சமூகத்தில் இருந்து கொண்டு இதை கேட்கிறீர்கள் ஏழை இருந்தால்தான் பணக்காரன் இருக்க முடியும் பணக்காரன் இருந்தால் ஏழை கண்டிப்பா இருப்பான் என்கிற காரணத்தால் - ஏழைகள் இருக்க மாட்டார்கள் பணகாரர்களும் இருக்க மாட்டார்கள் //

//கம்யூனிஸ நாடுகளில் இந்த இரண்டு பிரிவுகளும் இருப்பதில்லையா? அந்த சமூகத்திற்கு என்ன பாதுகாப்பு இருக்கிறது? சோவியத் வீழ்ந்த உடனே மக்கள் எப்படி பிச்சைக்காரர்கள் ஆனார்கள்? கம்யூனிஸ ஆட்சியின் நிர்வாகிகள், அதிகாரிகள் மட்டும் எப்படி பணக்காரர்கள் ஆகிறார்கள்? ஏழை பணக்காரர் ஆக முடியும் என்பதை நம்புகிறீர்களா? //

சோசலிசம் நிலவிய நாட்டை கம்யூனிசம் என நினைப்பதே முதலில் தவறு சோவியத் வீழ்ச்சி முன்னரே மாவோவால் எச்சரிக்கை செய்யப்பட்டதுதான் வாசிக்கவும் மாபெரும் விவாதம் (புத்தகம் )

1956 ல் அனைத்து மக்களுக்குமான ஆட்சி என குருசேவ் கொண்டு வந்ததும் வர்க்க போராட்டத்தை கைவிட்டதும் பிரதான காரணம்

//ஐந்து விரல்களும் ஒரே மாதிரியாக உள்ளதா? அனைவரும் ஒரே உற்பத்தி திறன் கொண்டவர்களா? அதிக உற்பத்தி திறன் கொண்டவருக்கு கம்யூனிஸத்தில் என்ன பாதுகாப்பு உள்ளது?//

ஐந்து விரல்களும் ஒன்று போல் இல்லை என்பதையே அளவு கோலாக கொண்டு சுண்டு விரலை சுரண்டி கட்டை விரல் வீங்குவதால் ஒரு கட்டத்தில் சுண்டு விரல் செத்து மடிகிறது - வளர்ச்சி என்பது சம தர்மத்தி நடக்கவேண்டும் சமமான தர்மமே நிலவ வில்லை என்றால் சமத்தை பற்றி எப்படி பேசுவது

//பணம் சமூக உற்பத்தியில் ஆக்கசக்தியாகவும் தனிநபர் சுவீகரிப்பினால் அழிவு சக்தியாகவும் இருக்கிறது //

//பணம் தனிநபர் உற்பத்தியில் எப்படி அழிவு சக்தியாகிறது? அப்படி ஆனால் அதை தடுக்க கம்யூனிஸத்தை விட்டால் வேறு வழி இல்லையா?

பணம் மூலதனமாகிறது மூலதனம் சும்மா இருக்க முடியாது அது எப்படியாகினும் சுரண்டவே வேண்டும் இல்லாவிட்டால் மூலதனம் மரணிக்கும்

மூலதனம் உயிர்வாழ சுரண்டியாக வேண்டிய சூழலில் அது பாட்டாளிகளை அதிகளவு உற்பத்தி செய்கிறது

இந்த பாட்டாளி வர்க்கமே மூலதனத்திற்கு சவ குழி தோண்டுகிறது

அண்ணாச்சி கடை பக்தி பாடல்

2011-12-19T15:08:00.000+05:30

எங்கே மணக்குது சந்தனம் எங்கே மணக்குது
அண்ணாச்சி கடையினிலே சந்தனம் மணக்குது

என்ன மணக்குது கடையில் என்ன மணக்குது
கல்லா மணக்குது அண்ணாச்சி கல்லாமணக்குது

சுரண்டி சுரண்டி சேர்த்த காசில் மணமும் கமழுது
சுரண்டிலின் வடிவத்தில் வாழ்வும் மணக்குது

நேச சக்தியை நினைக்கும் போது நெஞ்சம் மணக்குது
எதிரி சக்தி மேல தான் கோபம் பிறக்குது

விவசாயியை சுரண்டுவதால் வாழ்வு மணக்குது
விவசாயியை சுரண்டுவதால் வாழ்வு மணக்குது
பேசாமல் திரும்பி வர தலையும் குனியுது

புரட்சிகர அரசியலின் நாத்தம் அடிக்குது -வீர
வெள்ளையனை கண்டுவிட்டால் உள்ளம் குளிரிது

புரட்டுகளை சொல்ல உள்ளம் ஆசை கொள்ளுது
புரட்டுகளை சொல்ல உள்ளம் ஆசை கொள்ளுது
புரட்டி புரட்சி பேசுவதால் குழப்பம் மிஞ்சுது

போராட்டத்தின் களத்தினிலே பவனி வருகிறார்
வெள்ளையன் பொதுவுடமை படைக்கவுமே
ஆசை கொள்கிறார் .

போதாத காலம் வந்து புரட்டி எடுக்குது
புரட்சிகர நேசத்தினால் புயலும் விலகுது

அண்ணாச்சி கடையிலே சுரண்டல் இல்லைப்பா
அண்ணாச்சி தானப்பா நேசசக்தியப்பா
நேச சக்தியப்பா நேச சக்தியப்பா

(கட்சியின் செயல்தந்திர நடவடிக்கையை காப்பாத்த வேண்டி கட்சியின் நேச சக்தியை காப்பாத்த
ஒரு பாமர மக இக தொண்டன் எழுதிய பாடல் இது )

மார்க்சியத்தை மறுக்கும் மக இக

2011-12-16T09:58:00.001+05:30

சில்லறை வணிகத்தில் பன்னாட்டு மூலதனம் குறித்த விவாதத்தில் வினவும் அதன் அல்லகைகளும் சில முக்கியமான பகுதிகளை தவறாக திரிக்கிறார்கள் இது ஒட்டுமொத்த கம்யூனிச அரசியலுக்கும் விரோதமானது

அதென்னவென்றால் சிறிய வணிகனின் மூலதனத்தை காப்பாற்ற பெரு வணிக நிறுவனங்களை எதிர்க்கனும் என்பது அவர்கள் வைக்கும் வாதம் இது மார்க்சியமா

இந்த வாதத்தின் ஊடே அவர்கள் கொண்டு வந்த முக்கிய கருத்துக்கள் (?)
1.வால்மார்ட் சின்ன வணிகனை ஒழித்து விடுவான்
அவனுக்கு போட்டியே சின்ன வணிகன் தான் என்பது

இதற்கு நமது பதில்

1.1. வால்மார்ட்டுக்கு போட்டி இங்கே இருக்கும் பெருவணிகனே என்பதும் அந்த பெருவணிகனின் சுரண்டலை சுரண்டல் என ஏன் சொல்ல கூடாது என்பதும் நமது பதில் இதன் மூலம் இந்தியாவில் ஏற்கனவே இருக்கும் பெருவணிக நிறுவனங்களுடன் வால்மார்ட் போட்டி போடுவதை சொல்லாமல் ஏமாற்றும் பிற்போக்கு தனத்தை எதிர்த்தோம் .

2.இதன் மூலம் நீங்கள் வால்மார்ட்டை ஆதரிக்கிறீர்களா என்ற கேள்விக்கு :

வால்மார்ட்டு ஒரு முதலாளித்துவ நிறுவனம் என்பதால் அது எல்லா முதலாளிகளும் செய்யும் மொள்ளமாறித்தனம் அனைத்தையும் செய்யும் என்பதில் எந்த மாறுபட்ட கருத்தும் இல்லை ஆனால் அதே மொள்ள மாறித்தனத்தை சுரண்டலை இங்கிருக்கும் அண்ணாச்சிகளும் செய்வார்கள் செய்கிறார்கள் இல்லையென மறுக்க முடியுமா ?

இப்போது வால்மார்ட்டையா உள்நாட்டு முதலாளியையா அண்ணாச்சி கமிசன் மண்டிகளையா யாரை ஆதரிக்கிறீர்கள் ஏன் ஆதரிக்கிறீர்கள் என அவர்களை கேட்டால் அவர்கள் வால்மார்ட்டை மட்டும் எதிர்கிறார்கள்

எங்களை கேட்டால் அனைத்துமே முதலாளித்துவ நிருவனங்கள் அதற்கே உரிய சுரண்டல் பாதையில் செல்லும் ஆகவே ஒட்டுமொத்தமாக இந்த முதலாளித்துவ அமைப்பை எதிர்ப்பதே சரியானது

3.வினவுக்கு எதிர்கட்டுரை போடுவதற்கான விளக்கமும் விவாதமும்தான் நான் செய்கிறேன் என்பது சரியா?

இல்லை வினவு ஒரு கட்டத்தில் ரிலையன்ஸை எதிர்க்கிறோம் என அந்த நிறுவனம் உள்ளே வரும்போது சொன்னது சில போராட்டங்களை செய்தது ஆனால் ரிலையன்ஸ் வந்தபிறகு எந்த போராட்டமும் நடக்கவில்லை தொடர்ச்சியாக செய்யவில்லை மாறாக ஒரு புதுபடம் வரும்போது அதற்கு தோரணம் கட்டும் ரசிகனின் மனப்பான்மையை விட்டு கொஞ்சமும் மாறாமல் பெருமூலதன எதிர்ப்பை சம்பரதாயமாக செய்துவிட்டு மற்ற வேலைகளை செய்வதும் அப்போது
குட்டி முதலாளி நல்லவன் அவன் உழைக்கிறான் எனவே சுரண்டுகிறான் என்பன போன்ற எதிர்புரட்சி சவடால்களை விடுவதும் என செயல்படும் அரசியல் ஓட்டாண்டி தனத்தை கண்டிக்கவே தொடர்ச்சியாக நாம் இயங்க வேண்டியதாக உள்ளது

மேலும் இந்த செயல்முறையின் ஊடே மார்க்சியத்தை தனக்கு தகுந்தமாதிரி திரிக்கிறது அதாவது சின்ன முதலாளி நல்லவன் அவன் கடையில் வேலைபார்ப்பவன் சுரண்டப்பட்டாலும் அவனுக்கு முதலாளியாகும் வாய்ப்பு இருக்கு என சொல்லி மக்களுக்கு முதலாளித்துவ பாதையை காட்டுகிறது

இது எதிர்புரட்சியாகும் முதலாளித்துவம் என்பதை தீர்மானிப்பது முதலாளித்துவ உற்பத்தி வினொயோகமுறையே தவிர அதன் அளவுகள் கிடையாது
மொத்தமாக முதலாளித்துவத்தை ஒழிக்காமல் பெரிய முதலாளியை மட்டும் ஒழிக்க இயலாது மேலும்

சுரண்டலுக்கு உள்ளாகும் பாட்டாளிகளுக்கு முதலாளித்துவ கனவை விதைப்பது மிக தவறான செயலாகும்

சிறிய வணிகன் புரட்சிகரமான வர்க்கமா என்பது குறித்து :

சிறிய வணிகன் அழிவதை பற்றி அது முதலாளித்துவ விதி என்றால் இல்லை அப்படி சொல்வது பாசிசம் என்றும் எனவே சிறு வணிகனை தாங்களே காப்பாத்த போவதாகவும் சொல்கிறார்கள் இவர்களை குறித்து மார்க்ஸ் என்ன சொல்கிறார் கம்யுனிஸ்டு கட்ட்சி அறிக்கையில்

----------------
மார்க்ஸ் இவரைப் போன்றவர்களைத்தான் "இவர்கள் பிற்போக்கானவர்களும் கூட, ஏனெனில் வரலாற்றின் சக்கரத்தை இவர்கள் பின்னோக்கி உருளச் செய்யமுயலுகிறார்கள்." என்று கம்யூனிஸ்ட் கட்சி அறிக்கையில் சாடுறாரு,சிறு உற்பத்தியாளர்கள், கடைக்காரர்கள்,பற்றி மார்க்ஸ் கம்யூனிஸ்ட் கட்சி அறிக்கையில் சொல்வது இதுதான்:
----------------------------
"மத்தியதர வர்க்கத்தின் கீழ்த் தட்டுகளைச் சேர்ந்த சிறு உற்பத்தியாளர்கள், கடைக்காரர்கள், சிறு வாடகை, வட்டி வருவாயினர், கைவினைஞர்கள், விவசாயிகள் ஆகிய எல்லோரும் சிறிது சிறிதாய்த் தாழ்வுற்று பாட்டாளி வர்க்கத்தை வந்தடைகிறார்கள். காரணம் என்னவெனில், முதலாவதாக அவர்களிடமுள்ள சொற்ப அளவு மூலதனம் நவீனத் தொழிலின் வீச்சுக்கும் போதாமல் பெரிய முதலாளிகளுடைய போட்டிக்குப் பலியாகிவிடுகிறது, இரண்டாவதாக அவர்களுடைய தனித் தேர்ச்சியானது பொருளுற்பத்தியின் புதிய முறைகளால் மதிப்பற்றதாக்கப்படுகிறது. இவ்விதம் தேச மக்கள் தொகுதியைச் சேர்ந்த எல்லா வர்க்கங்களிடமிருந்தும் பாட்டாளி வர்க்கத்துக்கு ஆட்கள் திரட்டப்படுகிறார்கள்."
---------------------------
"இன்று முதலாளித்துவ வர்க்கத்தை எதிர்த்து நிற்கும் எல்லா வர்க்கங்களிலும் பாட்டாளி வர்க்கம் மட்டும்தான் மெய்யாகவே புரட்சிகரமான வர்க்கமாகும். ஏனைய வர்க்கங்கள் நவீனத் தொழிலினது வளர்ச்சியின் முன்னால் நலிவுற்றுச் சிதைந்து முடிவில் மறைந்து போகின்றது, பாட்டாளி வர்க்கம் மட்டும் தான் நவீனத் தொழிலுக்கே உரித்தான அதன் நேரடி விளைவாய் அமைகிறது."
----------------------------------
"மத்தியதர வர்க்கத்தின் கீழ்ப் பகுதிகளாகிய சிறு பட்டறையாளர், கடைக்காரர், கைவினைஞர், விவசாயி இவர்கள் எல்லாரும் தொடர்ந்து தாம் மத்தியதர வகுப்பினராய் நீடித்திருப்பதற்காக முதலாளித்துவ வர்க்கத்தை எதிர்த்துப் போராடுகிறார்கள். ஆகவே இவர்கள் பழமைப் பற்றாளர்களே அன்றி புரட்சித்தன்மை வாய்ந்தோரல்லர். அது மட்டுமல்ல, இவர்கள் பிற்போக்கானவர்களும் கூட, ஏனெனில் வரலாற்றின் சக்கரத்தை இவர்கள் பின்னோக்கி உருளச் செய்யமுயலுகிறார்கள். சந்தர்ப்பவசமாய்ப் புரட்சிகரமாய் இருப்பார்களாயின், இவர்கள் பாட்டாளி வர்க்கத்துக்குப் போய்விடும் தறுவாயில் இருக்கிறார்கள் என்பதே அதற்குக் காரணம், இவ்வாறு இவர்கள் பாதுகாப்பது தமது எதிர்கால நலன்களையே அன்றி நிகழ்கால நலன்களை அல்ல"

---------------------------
ஆகவே மார்க்சியத்துக்கு அப்பாற்பட்டு சிறுவணிகனின் அழிவை நாம் சொல்லவில்லை என்றும் மூலதன போட்டி ஓயாமல் நடைபெற்று வருகிறது தினம் தோறும் ஏன் நொடிதோறும் சிறுவணிகன் அழிவும் பெருவணிகன் தோற்றமும் நடந்து கொண்டே இருக்கிறது என்கிறோம்

கம்யூனிஸ்டுகளின் கடமை என்ன :

மூலதனத்தை காப்பாத்த போராடுவதும் முதலாளிகள் உருவாக வாய்ப்பு இருக்குன்னு பேசுவதும் கம்யூனிஸ்டுகளின் க்டமை இல்லைன்னு ஒரு வரியில் சொல்லலாம் மாறாக அனைத்து முதலாளித்துவ நிருவன அமைப்புகளிலும் உருவாகும் பாட்டாளி வர்க்கத்தை அணிதிரட்டுவது தலையாய கடமையாக ஒரு கம்யூனிஸ்டு கொண்டிருக்க முடியும்

வால்மார்டு பற்றிய தனிபெரும் கண்டுபிடிப்பு :

வால்மார்ட் உற்பத்தியை கட்டு படுத்துகிறான் என்கிறார்கள் இதை நமது உள்ளூர் ஆரோக்கியா பால்காரனே செய்கிறான் மாடு வாங்கி தந்து விவசாயிக்கு மாட்டு தீவன விதையும் வாங்கி தந்து அதை விதைச்சு அறுக்க சொல்கிறான் இது எந்த வர்க்கத்துக்கான விவசாயம்
இதைத்தான் வால்மார்ட் பெரிய அளாவில் செய்கிறான் அதை தவறு என்றும் உள்ளூர்காரன் செய்வது சரி என்றும் சொல்வது எந்தவகை மார்க்சியம்

மேலும் அவர்களிடம் இருந்து பதில்வராத பல கேள்விகள் இருக்கு அதன் பட்டியல் இதோ:

பதில் வராத கேள்விகள்

1.உற்பத்தி முதலாளித்துவமாக இருக்கும் போது வினியோகம் முதலாளித்துவமாக இருக்கும் போது அதில் நடக்கும் சுரண்டலை மட்டும் மறைப்பது ஏன்

2.இந்தியாவின் அரசு முதலாளித்துவ வர்க்க சார்புடைய அரசு என்பதை புரிந்து கொண்டால் அது 52 சதவீதம் மட்டுமே அந்நிய முதலீட்டை அனுமதிப்பது ஏன் என்றும் மீதம் 48 சதவீதத்தை அது ந்ரிலையன்சின் கடைக்கன் உத்தரவு க்டைத்தால் மட்டுமே அனுமதிக்கும் என்பதும் புரிந்து கொள்ள என்ன தயக்கம்

3.வால் ஸ்டீரிட் போராட்டகாரர்கள் தங்களின் சமூக பொருளாதார பிரச்சனைக்கு மறந்தும் கூட அமெரிக்க அர்சுதான் காரணம் என சொல்ல மறுப்பதைபோல நீங்களும் விவசாயிகள் பரந்து பட்ட மக்களின் பிரச்சனைக்கு காரணம் இடைத்தரகர்களான வியாபாரிகள் என்பதையும் இந்த அமைப்பு முழுவதும் முதலாளித்துவ அமைப்புதான் என்பதையும் சொல்ல மறுத்து இதை உடைக்க முயலாமல் பகுதியை கட்டிகாக்க முயலுவதேன்

4.நீங்க யார் என்பதும் யாரை காக்க போராடுகிறீர்கள் என்பது புரிகிறதா ? வணிகர்களை காப்பாத்த போராடுகிறீர்கள் அவ்வப்போது விவசயிகளுககாக நீலிக்கண்ணீர் வடிக்கிறீர்கள் சரத்குமாருக்கும் உங்களுக்கும் பெரிசா வேறுபாடு இல்லையே நீங்கள் கம்யூனிஸ்டா

*மேலும் இந்திய முதலாளிகளில் நேசசக்தி என அழைக்கும் நீங்க எந்தமாதிரி கம்பெனியெல்லாம் நேசசக்தி எதெல்லாம் எதிரி சக்தின்னு சொல்லிட்டீங்கன்னா விளங்கி கொள்ள ஏதுவாக இருக்கும்

ஏன்னா ருசி ஊறுகாய் காரன் வெளிநாட்டில் இடங்களை வளைத்து போடுவதும் இந்தியாவில் பல கம்பெனிகள் அந்நிய நாட்டில் சுரண்டுவதும் நடப்பதை பற்றிய தங்களின் மேலான கருத்து என்ன

----------------

ஆக தனது அரசியல் ஓட்டாண்டி தனத்தில் எத்தனை நாள் பதுங்கி கொண்டு இருந்தாலும் ஒருநாள் வெளியே வந்துதான் ஆகனும் இவர்கள்

--
தியாகு

-
""
எப்பொருள் யார்யார் வாய்கேட்பினும் அப்பொருள்
மெய்பொருள் காண்பதறிவு
-வள்ளுவர்
வலைப்பூ:www.thiagu1973.blogspot.com
============================

--
தியாகு

-
""
எப்பொருள் யார்யார் வாய்கேட்பினும் அப்பொருள்
மெய்பொருள் காண்பதறிவு
-வள்ளுவர்
வலைப்பூ:www.thiagu1973.blogspot.com
============================

முற்றுகை போராட்டம் வெல்லட்டும்

2011-12-14T14:00:00.002+05:30

தண்ணீருக்காக உலகயுத்தம் வருமா? என கேள்வி எழுப்புவோருக்கு இந்த போராட்டம் வரும் என்கிறது .

தேசஒற்றுமை என பேசிக்கொண்டே ஏமாற்றும் அரசியல் வாதிகளை மக்கள் தட்டி கேட்கவே மாட்டாரக்ளா? என கேட்பவர்களுக்கு பதிலாக இந்த போராட்டத்தை சொல்லலாம் .

கேரள மக்களுக்கு பாதுகாப்பு தமிழ்நாட்டு தண்ணீர் எனும் நயவஞ்சக பேச்சை மக்கள் நம்புவார்களா ? என்றால் இல்லை நம்பவில்லை என்பதை இந்த போராட்டம் காட்டுகிறது

கேரள மந்திரிகள் டெல்லியில் முகாமிட்டு பிரதமரை சந்தித்து பேசி பேசியே அணையை உடைத்துவிட முடியுமா ? முடியாது இதோ மக்கள் கிளர்ந்துவிட்டார்கள்

புரட்சி பற்றி பேசியும் எழுதியும் வரும் பிரபல புரட்சிகாரர்கள் மண்டைக்குள் இருந்துதான் மக்கள் புரட்சி செய்வார்களா இல்லை அப்படி நிகழாது அவர்கள் கடையில் வருவார்கள் என்பது போராட்டம் காட்டுகிறது

மக்கள் திரள் என்றாலே ஒன்றும் தெரியாதவர்கள் வன்முறையில் இறங்குவார்கள் லத்தி சார்ஜ் தான் வாங்குவார்கள் என்றால் இல்லை அவர்கள் தெளிவாக பேசுவதையும் பார்க்கலாம்

"எங்களுக்கு தண்ணீர் வேண்டும் இந்த போலீஸ் எங்களை பாதுகாக்க இருந்தால் இருக்கட்டும் இல்லாவிட்டால் இந்த போலீஸ் எங்களுக்கு தேவை இல்லை "

ஒரு பக்கம் கோர்ட்டில் வாதாடி கொண்டே இன்னொரு பக்கம் அணையை உடைக்க முயற்சி நடக்கும் போது என்ன செய்வார்கள் மக்கள் அடுத்த தேர்தல்வரை காத்திருக்க வேண்டுமா ? இல்லை திரண்டு வந்துவிடுவார்கள் என காட்டுகிறது போராட்ட காட்சி

போராட்ட காரர்கள் இனிமேல் போலீசுகளிடம் லத்திஅடி வாங்காமல் இருக்கவும் லத்திகளை பிடிங்கவும் செய்தால் நல்லா இருக்கும்

அடித்தால் ஓடாமல் லத்திகளை பிடுங்கும்படி மக்களுக்கு அங்கு தலைமையில் இருப்போர் சொல்லவேண்டும்

மக்கள் சக்திக்கு முன் அடக்குமுறை கருவி வேலை செய்யாது அது மக்கள் சக்தியை முறையாக பயன்படுத்தும் போது சுத்தமா வேலை செய்யவே முடியாது என்பதை காட்டவேண்டுமானால் கொஞ்சம் செயல்தந்திரத்துடன் போராடவேண்டும்

மக்கள் எல்லையில் முற்றுகை நடத்துகிறார்கள் அனைத்து எல்லைக்கும் விஸ்தரிக்கப்பட வேண்டும்

பதிவர்கள் இணைய வாசிப்பாளர்கள் தங்களால் முடிந்தது இந்த போராட்டத்தின் விசயங்களை மக்களிடம் கொண்டு செல்லவும் முடிந்தவர்கள் போராட்ட களத்திற்கு செல்லவும் வேண்டும்

திட்டமிடப்படாத போராட்டமாக இருக்கும் இதை திட்டமிடவும் கேரள மற்றும் மத்திய அரசை பணியவைக்கவும் செய்யவேண்டும்

அதே நேரத்தில் இங்கிருக்கும் சிபி எம்ம் பிஜே பி , அதிமுக காங்கிரஸ் கட்சி குண்டர்களை கேள்வி கேட்பதன்மூலம் மூலம் ஓட்டு அரசியலுக்கு பொய் சொல்வதை மூட்டைகட்ட வைக்க வேண்டும்

ஓவ்வொரு போலிக்கும் தாம் உதைபடுவோம் என்பது தெரியவேண்டும்
--
தியாகு

-
""
எப்பொருள் யார்யார் வாய்கேட்பினும் அப்பொருள்
மெய்பொருள் காண்பதறிவு
-வள்ளுவர்
வலைப்பூ:www.thiagu1973.blogspot.com
============================